سـلـبـت  النوم  من عيني .... يالأكبر گوم  حاجيني حـرت لـمن شفت جسمك .... أعوفك لو أظل  يمك يـالأكـبـر گــــوم  حــاجــيــنــي تـعـبـت اسـنـيـن بالأكبر إعله حر و برد  ربيتك إفـرشـت لك بالمهد روحي إسهرت و بروحي  غطيتك أفـز إشـمـا تـفـز بـالـليل و ليالي اشكثر باريتك إسهرت و انته بلذيذ النوم .... و عله مهدك دليلي إيحوم يــا طــيــف إعـلـه الـجـفـن مـرسـوم حـلـم و إرسـمـتك بعيني.... غصن و إسنين تانيتك أنـوگن بـيـك بين إيدي .... سهرت إعليك  يوليدي و غـصـن و مهجتي إتشمك .... أعوفك لو أظل  يمك يـالأكـبـر گــــوم  حــاجــيــنــي غـصـن  و إزرعـتـك بروحي و بگيت اسنين  أتنطر سـقـيـتـك من حنان الروح گلت توفي لي من  تكبر بـعـد  مـا أدري يـولـيـدي الحلم بالعكس يتفسر إكـبرت  و إنعكست أحلامي.... و أنه اشراوتني  أيامي صـريـع          إولـيـدي          جــذامــي الـتـعـب  وينه و سهر ليلي .... ووين إرباك  يالأكبر تـروح  الـروح يـالـغـالي .... أبد متروح عن  بالي يـمـاي  الـطـاح شيلمك .... أعوفك لو أظل  يمك يـالأكـبـر گــــوم  حــاجــيــنــي يـمـاي إتـبـده فـوگ الگاع يا زهره امنثره إگبالي زرعـتـك  فـرح يـولـيدي و جنيت إمصيبتك  تالي يـغـالـي  و أغـله من عيني و يروحي الفاجده  الغالي عگب سـهـر الليالي إوياك .... يا لنك عالترب  ألگاك صـريـع      إمـغـسـل      إمـن      إدمــاك و  عـليّ تومي المحن و اتگول.... هذي الفگدت  الوالي جـريـت  إدموع  لمصابك .... حنيت إضلوع  لغيابك يـمـن صـار الـغسل دمك .... أعوفك لو أظل يمك يـالأكـبـر گــــوم  حــاجــيــنــي إعـصـرت عـيـني و أحاجيها إشما عندج دمع  نوحي تـجـاوبـنـي إبـهضم جتال نشف من الهضم موحي و روحـي فـزعـت و ناديت اشمالك هودي يا  روحي حـزيـنـه  و خـيبوا ظني .... و نفذ حته الصبر  مني مـثـل         ون         الــورگ         ونــي و  إحـنن  حنت الناگه.... و أداوي إجروحي بجروحي الگلـب نـاداك آه يـبـنـي.... هضم فرگاك شيبني و لـسـانـي يـلهج بإسمك .... أعوفك لو أظل  يمك يـالأكـبـر گــــوم  حــاجــيــنــي أسـلـي اهـمـومي بهمومي و بعد شترجه من  دنياي يـا  هـرش الـسگيته إسنين ذبل و إنگطع من إحشاي يـا جـمـر الـيسعر ابضلعي و يعگلي المنفگد و الراي إجـيـت الـمـصرعك أحبي .... أناشد و النظر  تربي طــحــت هــذا انــتــه لــو  گلـبـي و نـشـدتـك تـظـل عالغبره ....لو يبني ترد  وياي دلـيـلـي إيـنوح من همي .... وسافه إتروح من  يمي إهـدمـت حـيلي يبعد أمك .... أعوفك لو أظل يمك يـالأكـبـر گــــوم  حــاجــيــنــي أشـوف  الـدنـيـه بـعيوني مظلمه و ما كمل  بدري دمـعـتـي  إنحبست إبعيني شهگتي اختنگت  ابصدري گالـوا راح عـمـر إبـنـج گلت لا هالگضه عمري گالـوا عـالـرمال إدماه .... گلت دمي إنسفك  وياه گـالـوا            نـحـره            شـاهـدنـاه گلـت لا هـذا مـو نـحـره ....هذا المنگطع نحري أصـيـح إبـصوت شيردك .... لفاني الموت من  بعدك يـلـنـك  بـالگلب رسمك .... أعوفك لو أظل  يمك يـالأكـبـر گــــوم  حــاجــيــنــي ابـهـضـم فـرگاك مصيوبه عليه المحن من كل صوب و أشـوفـك يـبني عالغبره بدر و اعله الترب مصيوب انـحجب نورك ينور العين و أحوم اعله الصبر جم ذوب حـرت بـهـمـوم دنـيايه .... إجيت و حزني  ويايه إعــتــنــيــت إبــروح  شــجــايـه أشـكـي لك هضم دنياي.... أصرخ و الدليلي إيلوب بـدمـع  عـيـنـاك نـاديتك .... ترد وياي ياريتك يـمـن هـمـي مـثل همك .... أعوفك لو أظل يمك يـالأكـبـر گــــوم  حــاجــيــنــي