إيهود اشلون گلبي و تغمض إعيوني و إخوتي بكربله الليله يودعوني
===
يودعوني وداع بلا أمل جيّه بدروب المنايه عقدوا النيه
يريت الصبح ما صبح اعليه و لا خوتي بمصايبهم يفجعوني
===
يفجعوني و أطيح ابيّن نار و خيل من كثر المصايب ما بگه لي حيل
حسراتي و بواجي أرد أگضي الليل و لو دمعي جمر و يجرح إجفوني
===
إجفوني إمن البواجي أرد أذبلها و بالحسرات روحي الليله أعلمها
لو راحوا اهلها جا بعد شلها حرمه إبدار غربه من يعيفوني
===
يعيفوني و أصير إليا صبر يا حال مهضومه و غريبه و الدمع همال
مدري أحمي الحرم لو أسكت الأطفال شگولن عن اهلهم من ينشدوني
===
ينشدوني وشجاوب و الگلب محتار حرمه و لو عليه هجمت الأشرار
و عني من يشاجف من يضربوني
===
يضربوني إذا طحت الأشر هالناس لا رحمه بعد عدهم ولا إحساس
و لا يمي يظل حسين لا عباس و أحشمهم و أگول إخوتي اليحموني
===
يحموني إخوتي لو صحت حيهم و يا ما بالوفه إعليه كثر فيهم
كواكب بالشهامه و لو خمد ضيهم تظلم دنيتي و الگوم يولوني
