قول رسول الله جــلي          في حق الكرار عـــلي

علي أخي ووزيــــري          ووارثي ونصـــــيري

قول رسول الله جــلي

* * *

اسمع التصريح عن سيد البشــــر          هالروايه للسنن عنوانـــــــــــــها

گال واجب حب علي والحگ ظهر          والتنكره خالده بنيرانــــــــــــــها

أسد غالب فرع من دوحة مضــــر          اعترفت بفضله انسها وجانــــها

مثله ما تولد بعد ام الدهـــــــــــــر          اشما الدنيه طالت بأزمانـــــــــها

رمز للإيمان عـــــــلي          نهج للقرآن عــــــلي

هو صوت بضمـــيري          ووارثي ونصـــــيري

قول رسول الله جــلي

* * *

الباري تصريح الجلاله صرحـــــه          حجه من بين الأنام اخـــــــــتاره

بسورة النور وتبارك والضحــــــه          بيَّن القرآن كل أســـــــــــــــراره

قل هو الله أحد والفاتحـــــــــــــــه          سجلن فضله وفضـــــــــــل آثاره

كل فضل حيدر محمد وضحــــــــه          وكشف عن وجه الـــدهر أستاره

كنز للأسرار عـــــــلي          شمس للأفكار عــلي

هو امتداد مســــــيري          ووارثي ونصـــــيري

قول رسول الله جــلي

* * *

بصفحة التاريخ سجل يا قــــــــــلم          حروفك الماينمسح تسجــــــــلها

هذا حيدر صار للعالم عـــــــــــــلم          والتخالف سيرته ويا ويــــــــلها

بالزبور انذكر فضله، والامـــــــــم          تعترف توراتها وانجـــــــــــــيها

والذي تبتعد عن هاي القـــــــــــيم          انهارها يغرگ بموجــــــــة ليلها

سر للآيات عـــــــــلي          في نهج التوراة علي

عــلى الزمان ظهـيري          ووارثي ونصـــــيري

قول رسول الله جــلي

* * *

المصطفه بصوته هتــــف يا امتي          دونكم هاليوم توضيح المــــــقال

أرد أوصيكم واسمعوا اوصيـــــتي          للأجل يا ناس شديت الرحــــــال

هالوصيه بالكتاب وعــــــــــــترتي          لوتركتوهم تعيشون ابضـــــــلال

لا تعيفون ابو الحمله بغــــــــيبتي          ويه حيدر شدوا حبل الاتصـــــال

ميزان الأعمال عـــلي          نور للأجيال عــــــلي

فبايعــــوا للأمــــــــير          ووارثي ونصـــــيري

قول رسول الله جــلي

* * *

ليش هاي الامه خانــــت بالرسول          وضربت بعرض الجدار اوصيته

بايعت للي غصب حـــــــگ البتول          وعافت الكرار وحده ابحـــــيرته

لو سألها الهادي هالأمـــه شتگول          يا عذر تنطيه ياچر امــــــــــــته

عافت الراس وتعنت للذيـــــــــول          والوصي يجرع مصايب خلـــــته

مظلومــاً تركوك علي          فلماذا جهلوك عــــلي

وأين قــــــــول البشير          ووارثي ونصـــــيري

قول رسول الله جــلي

* * *

(لندن ـ1992م)