ملتمه الأيتام ببابك يا حيدر فاجعها امصابك
****
تصرخ يكرار أيتامك وسفه الما تميت اصيامك
تتحسس قامت بالآمك و افجعها بهالليل اغيابك
**
هاك سمع صرخة هالليله أيتامك مدمعها اتسيله
عقبك منهو اليهتم بيها تمت مصيوبه بصوابك
**
و هالليله الدنيه و ما بيها مفجوعه الفقدك تدريها
و نار افراكك تسعر بيها ريت انشلت ايد الصابك
**
تتحسس و اعليك حزينه تندب جاوينه اليجسينه
حاشاه ابعوزه ايخلينه واحنه المحسوبين أحبابك
**
يا حامي الدين و إيمانه شيدت ابدمك بنيانه
بسمك جم آيه بقرآنه تالي ايخضبه من اخضابك
**
ظليت الإيتام بلوعه ياريت اتشاهد هالحاله
ليل انهار اتهل دمعتها وياها ايون ظل محرابك
**
