هذا المسيح انصاب لو موسى بالمحراب
صوت الوحي صاح ابحزن قد هُدمت والله
دم حيدره الليله جره لو دم رسول الله
**
هذا المسيح و مصلبه يا علي بمحرابك
لو موسه كبر و انغذر و اتصوب اصوابك
هذا محمد منفجع يالوالي بمصابك
رج الأرض صوت الوحي و ادموعه لغيابك
و ارتجت الأكوان وي صرخت الوجدان
يا سيدي اليوم الحشر للشيعه جمرة آه
**
دنيه و جنت الها نبض عاشت فرحها اوياك
دارت رحى الدنيه و ثبت قضب الرحى بيمناك
ما صدت العين ابشمس يا با الحسن لولاك
صارت عدوا من خضبت وجه الصبح بدماك
و اتيتم القرآن و البسنه صوت أحزان
بالدمعه عقبك سيدي عمر الهضم عشناه
**
جف السمه اتلقه الدمه من خضبه المحراب
عادت مصيبة فاطمه و عاد الضلع و الباب
نفس الجفوف الآثمه و النيه و الأسباب
و أصبح دمه اولاية علي الوجه الرساله اخضاب
دم أنبياء إنسال ورثت حزنها أجيال
طاح الحمه و راح الذي اتلوذ الخلق بحماه
**
ايمر يا حيدر علي صوت الحزن كل يوم
كل لحظه الكم فاجعه و يوميه عدنه اهموم
و كل ساعه من ولدك علم من هالزمن مظلوم
لو ينذبح لو بالغذر يا با الحسن مسموم
وي عترة المختار يا وسفه صار الصار
ناده الوحي و احنه بألم يالوالي ناديناه
**
صحوت ضمير الكل شهم يا هيبة الإسلام
معنه الشرف معنه القيم تشهد إلك أيام
صدر الحنون اللي غفت يا ما بحنان أيتام
كهف الأمان اليحتمي بظله فلا ينضام
يتسمه داحي الباب و امفرق الأحزاب
اتوضينه بدموع و فرض محنتنه صليناه
