عـتـب عـدنـه ......... حـشـه اتـردنه
عــلــي يــا حــاضــر الــشـده
عـتبنه يا علي انوجه ... و نكتبه بلوعه و بدمعه
يـبو احسين اشيضمدها ... جريح البلقلب وسعه
نحن و اللي يحن تدريه ... الدمع طول الوكت طبعه
شـمـلنه يا علي اتشتت ... و نريد بجاهك اتجمعه
تــعـذبـنـه ............... تـغـربـنـه
عـلـيـنه طالت المده.... علي يا حاضر الشده
حـنـيـن ايـهـدنه ليليه ... بعدنه بلهفه نتمنه
الـزمـان الكبرك ايردنه ... علي يالحضرتك جنه
بـعـد لسه الأمل موجود ... بعدما خابت الظنه
هـذيج الساعه لو صارت ... زحف يالوالي نتعنه
الـيـحـن كـلبه ............... الأمل دربه
يـحـقـق غايته العنده .... علي يا حاضر الشده
بـجـوارك يا علي عشنه ... جزت من العمر فتره
تـغربنه و بعدنه انحن ... الزمان اللي مضه نذكره
نذكر و الدمع يجري ... تشب بكل كلب حسره
و نـحسب للفرج ساعات ... صبرنه النافذ انطره
حـسـبـنـه اشقد ............... جزينه العد
صـبـرنه هلوصل حده.... علي يا حاضر الشده
ظـلـم عـنـك تـبعدنه ... بظلم لمن تشتتنه
سـبـب هـذا البعد تدري... نتج عن سر محبتنه
الـتـكـرهك يا علي ظنه... تموت بغربه فطرتنه
شـريـفه الفطره ما ماتت ... و بعد زادت محنتنه
الـيـحـب لازم ............... يـظل عازم
يـوافي اويه الذي ايوده .... علي يا حاضر الشده
رضـعنه من الطفوله احنه ... محبتك من ثدايه أمنه
رجـوله و طيبه غذتنه ... يحيدر تسري وي دمنه
يـا حيدر عن وعي و فكره... درس منك تعلمنه
حـرب ويـه الـيحاربنه ... و سلم ويه اليسالمنه
الـك شـيـعـه ............... عـله البيعه
ثـبـتنه و نبقه نتحده .... علي يا حاضر الشده
الـيـتامه يا علي الليله ... تنوح و تبجي لمصابك
بـعـد من ينشد اعليها ... بكت مهضوم بغيابك
تگول اشلون ابن ملجم ... تجاسر يا علي وصابك
و عـنـك تشهد الحومه ... الزلم يا حيدر اتهابك
الـسـمـع صـيتك ............... ربه ابيتك
عـلـيك اتجاسر اتعده.... علي يا حاضر الشده |
