نــاعــي الــمـوت صـاح و نـعـه
راح ابـن عـم الـنـبي و الأجل حل ميعاده
الـيـوم انـفگد عـقد الوله و اتيتموا اولاده
زيــنــب هــاي مــتــصـدعـه
مـن بـعد جدها المصطفه من بعد أمها الزهره
لاجـن فـقـد حامي الحمه بالقلب تارك جمره
اتــصــيــح بــروح مـتـلـوعـه
امـن الـدار طلعت فازعه اتفت الصخر ممشاها
و احـسـين اخوها لو بجت يمسح دمع عيناها
صــاحــت ويــن يـالـمـسـرعـه
ريـض يـشـيـال الـنعش گبل الدفن تانيني
و انـجـانـك حـافـر لحد وين اللحد دليني
جــفـن الـعـيـن صـب مـدمـعـه
مـن گبـل عمر المرتضه ياريت يخلص عمري
يـا دار ابـويه الموحشه و يا دمع عيني اليجري
راح الـراح شـيـرجـعـه
بـمـصـيـبة أمي هالدهر فت مهجتي و ألمني
مـن بـعـد أمـي فـاطمه رايد بعد يهضمني
هــذا الــصـوت مـن يـسـمـعـه
نـاديـت بـويـه يا علي جمرة مصابك تلهب
هـالـحـكمه يا بويه اقتضت من الزغر أتعذب
روحــي اعــلــيــك مـتـروعـه |
|
الله مـن هــالـفـاجـعـه
خـلف النعش ناعي الحزن بالحزن صاح و ناده
و ابـتـدت نكبات الدهر من لحظة استشهاده
الله مـن هــالـفـاجـعـه
مـا جانت اتحس بيتم و لا تدري شنهي العبره
اتـفـكـر بـوالـدها علي الليله ينام ابگبره
الله مـن هــالـفـاجـعـه
تمشي و تصد اعله النعش و الحسن يمشي اوياها
و الـشـالـوا اجـنازة علي محد وگف تاناها
الله مـن هــالـفـاجـعـه
لا تـحـفـر اتـراب الگبر گبره حفرته بعيني
نـزلـنـي يـم جسم الأبو بنفس الگبر خليني
الله مـن هــالـفـاجـعـه
مـن بـعده شيفيد العمر و اتيتمت من زغري
اشلون أرجع الداره و أطب ياريت أطب الگبري
الله مـن هــالـفـاجـعـه
دهـر الـغـدر بنت النبي اشلون أنتظر يرحمني
فـاجـأنـي بـمصاب الأبو و من الزغر يتمني
الله مـن هــالـفـاجـعـه
جـنـت بـحماك امدللة صرت اليتيمه زينب
لـو أدري تـرجع بالنحب ليلي و نهاري أنحب
الله مـن هــالـفـاجـعـه |
