يـا عـلـي زيـنـب تراني .... حايره ابولية زماني يــتــمــتــنــي .... و عـذبـتـنـي مــــن             عـــفــتــنـــي يـا عـلـي بـألـواح فكري صورة أيامي  ارسمتها و اذكـرت سـاعـات عمري و الليالي اللي  عشتها و  اذكـرت  عـزتي و خذري و هيبتي اللي  ضيعتها و  تـالي شفت اسهام دهري ارماني و اسهامه  احملتها اهموم و آلام و نوايب .... هضم و أحزان و مصايب روعــتــنــي .... و ضــيــعـتـنـي مــــن             عـــفــتــنـــي يـا  عـلـي إجـنـازتـك لمن آل هاشم  شيعوها و ظـلـت الـوادم ابـحـيـره و حالتي  يترقبوها واحـد  ايـنـاشـد الـثـاني صدق زينب يتموها و مـحـد يـصـدق يـبـويه زينب اتفارق  أبوها يـنـحمل  نعشك  إقبالي .... هذا ما جان إعله  بالي و لــوعــتــنــي .... و صـدعـتـنـي مــــن             عـــفــتــنـــي بـويـه لـمـن شفت دارك وحشه و المحراب  خالي ألـف  فـكـره و ألف حسبه مرت اليوم إعله  بالي و نـاشـدت روحـي اشعلامج جاوبيني عن  سؤالي و  صـدق  راح أمسي يتيمه صدق عني اختفه  الوالي روحـي  نـادت بالظليمه .... صرتي يا زينب  يتيمه دوهــنــتــنــي .... و حــيـرتـنـي مــــن             عـــفــتــنـــي مـر  عـلـيه انهار موحش و الدمع من عيني  جاري و حـيـن مـر الـليل شفته اليل أصعب من  نهاري صـرت  أحسبه ساعه ساعه امن القلب مستعر  ناري لـحظه  ما غمضت اعيوني ساهره و مل من  انتظاري و  يـالحياتي من حياتك .... صرت أعيش بذكرياتك و ســهــرتــنــي .... و مـرمـرتـنـي مــــن             عـــفــتــنـــي إقـبـالـي ظـل عـايش خيالك و المنايه اتحيط بيه و يـا علي و كل ساعه أهجس روحي تشرف  عالمنيه و الـفـجـعـني و الهضمني و الاشد و أعظم  عليه آنـه أم الـصـبـر آنـه و الـصـبر ما طح  بديه بـويـه  لو  ناشدت عني .... اتيتمت من صغر سني شــيــبـتـنـي  .... و اهـضـمـتـنـي مــــن             عـــفــتــنـــي اشـلـون راح أقـضي حياتي و انته عن العين غايب و  جـنـت أم الـصـبر تالي راح أصير أم المصايب و  زاد حـزنـي و كثر وني ووني يا با الحسن  خايب سـاهره اعيوني اعله شانك و أحسب اهموم و  نوايب و  يالعفتني بهذا وضعي .... و صار طبع النوح  طبعي و  ذوبــتــنــي .... و  خــيـبـتـنـي مــــن             عـــفــتــنـــي يـا  عـلـي امـصيبتي امصيبه يعجز الرايد  وصفها الـهـضـم  ما مر اعله روحي ما تعرفه و لا  عرفها الـهـضـم  ذبني يالصميده و صرت لسهامه هدفها و الأجـل داهـمني عقبك روحي من عندي  خطفها