يـا  زهـرة اسـنـيـنـي ... يـالساكن  بعيني عـرسـك  جمع نور و نار ... و أتذكرك ليل  انهار يــالـســاكـــن بــعــيــنــي يـا جـاسـم يا ضوه الناظر فداك أمك يبعد  أمك يـا  زهـره و نابته بروحي عزيز و مهجتي  اتشمك تـنـاثـر جسمك اكَبالي صحت يوليدي  شيلمك هـمـت يـبن الحسن و اسنين عمري اتناثرت يمك كَصد  ليك الدهر عطشان إجاك و كَعد يم جسمك انحنى  لك حنيت الضامي غرف بيده و شرب  دمك مـتـعـطـش  الگيـتـه  ... و بدمك  اسگيته دمـك تـفـجـر أنـهار ... و أتذكرك ليل انهار يــالـســاكـــن بــعــيــنــي بـدمـع  عـيني نزف نحرك ترون دهرك و  دهري مـنـابـع نـحـرك بعيني تطل طول العمر  تجري شـواخـص  منك اكَبالي تعيش بروحي و  بفكري حـرمـني  الموت من عندك ينسمات الهوه اليسري فـكَـدتك و افكَدت وياك حياتي الغالية و  عمري عـلـيّ ترمي المصيبه اسهام و أباريها بدرع صبري لـو  نـاشـدت عـنـي ... مـل الـصبر  مني و بـعـيـني دمك تذكار ... و أتذكرك ليل  انهار يــالـســاكـــن بــعــيــنــي اعله  سجت روحي يتخطه كَصد ليك الأجل  وافد تـمـايـزتـه و شـفت شيريد لكَيته عنك يناشد اشـعـنده اوياك جف الموت يجاسم تعرف  اشرايد سـلـب ثوب العرس منك ويه نحرك جان  متواعد كَـعـدت  بـخيمتك و ايحن دليلي حنت  الفاجد بـدمـع شـمـعاتك و دمعي يصبن من نبع واحد أبـجـي الـهـضـم حالي ... و اشموعك اكَبالي مـثـلـي  تصب الأعبار ... و أتذكرك ليل  انهار يــالـســاكـــن بــعــيــنــي اجـيـتـك  أعـثر  بهمي و يسندني جري  المدمع اوصلت يم جسمك و شفتك بدر فوكَ الثره امكَطع شـرايـنك  هضم  تنزف و مثل نجم السمه اموزع شـفـت كَـلـبي وكَع مني ذبيح و مثلك  اتبطع غـدت  مـن  كـل كتر يمي النوايب يبني  تتجمع الـمصايب تاكل بجبدي و من جفني الغصص ترضع و  اهـمـوي يـولـيـدي ... اتربت عله  ايدي ويـايـه  سـكنت بالدار ... و أتذكرك ليل  انهار يــالـســاكـــن بــعــيــنــي الـمـصـايب كُبرت بروحي تربت من دمع جفني حـزيـنه و بس حزن كَلبي على امصابك  ايوالفني يـوالـفـنـي الـحـزن لاجن صبر كَلبي يخالفني أطـش كَـلـبـي نذر يبني لون ضيفك  يصادفني بـوصـف  أم الفصيل الناس غدت بعدك  توصفني صـبـح  طبع السهر طبعي الكواكب كلها  تعرفني مـن  شـدة اهـمـومـي ... ما طاوعت  نومي سـهـرانـه  ويه  الأقدار ... و أتذكرك ليل  انهار يــالـســاكـــن بــعــيــنــي يـتـعـبـني  السهر و أغفه و يغطيني بسقم  حالي كَـبـل  مـا  تغمض اعيوني هضم دهري يتعنى لي يـجـي بـكـل حيله يندهني و أفز مرعوبه يالغالي و  أطـل أتـلـفـت بدهشة و أصد لمجانك الخالي و أرد اردود عـالـحسبات و أشوفن دمك  اكَبالي و أهـيـم بـعـالم امصابك مرام الطف تجي  ابالي و  اجـروحـك ألـكَـاهـا ... عـيوني  مجراها يـاخـذنـي موج الأفكار ... و أتذكرك ليل انهار يــالـســاكـــن بــعــيــنــي يـجـاسـم أرد اشد كَلبي و أشيله بهودج اصوابه أروحـن  لـلـحسن  عودك أكصده بروح مرتابه و  أطـيـح اعله الكَبر و أنثر عله راسي ثره  اترابه و أكَـلـه يـالـحـسن شبلك بدر بالمذبح اغيابه شـبـاب  بـلـيـلة  الزفه تحنه و الدمه  اخضابه و أظـل يـم الكَبر أنحب و أحن علحسن و امصابه يـم  كَـبـره تـلـكَـاني ... بهمومي و أحزاني أرسـم  نـوايب و أكدار ... و أتذكرك ليل  انهار يــالـســاكـــن بــعــيــنــي