أضف الموضوع
الشاعر السيد سعد الذبحاوي - 27/11/2009م - 5:35 م | عدد القراء: 8704
مـن مـصـايـب كـربـلـه
يـا شـيـعـه آنه الباقر إتعرفوني
كـلـما يمر طاريها أدمي إجفوني
و الــمــدامـع هـامـلـه
آنـه الشفت بالطف مصايب كثره
بـعـيـونـي أنظر للخيم مستعره
حــايـر اويـه الـعـايـلـه
اهـوايـه المصايب لو ردت أرويها
نـار الـطـفوف ابقلبي شيطفيها
و الـهـمـوم امـجـلـجـلـه
قـوم آل امـيه اهموم زادت همي
يـا شيعه و انحلت مفاصل جسمي |
|
شـاهـدت جـم مـعـضـله
جم صوره شافت بالطفوف إعيوني
عـمري أربع إسنين العده فجعوني
شـاهـدت جـم مـعـضـله
و شاهدت جدي حسين قطعوا نحره
و أنـظر أبويي اشلون حاير بأمره
شـاهـدت جـم مـعـضـله
و يـنـفـجع قلبي من يمر طاريها
و هـالليله روحي ينعه ظل ناعيها
شـاهـدت جـم مـعـضـله
ابـكثر المصايب دمعي من دم يهمي
ابـغدرة هشام السم سره وي دمي |
|
