في دولـة الأشـرار لا خير في الأعمـــار
الموت أولى من ركوب العار
في دولـــــــة الأشـــــــــــرار
* * *
من يا لسان الصوت هذا انسمــــعه منك يمن للدين نهجـــــه وشرعــــــه
يا من صرت للناس مثل الشمعـــــه تحترگ ولغيرك النـــــور اتوزعـــــه
كل البشر من ثورتـــــك منتفـــــــعه دمك زرع والناس حصدت زرعـــــه
الموت لـــن تخشاه والعار لن ترضــــاه
العار أولى من دخول النــــار
في دولـــــــة الأشـــــــــــرار
* * *
مو مسألة قائد جمع گومــــــه وثار حتى يسجل اسمه ويــــــه الثــــــوار
فكرتك أبعد من جمــــيع الأفـــــــكار خيرك خصمك گال لو تحمل عــــــار
لو تجي اتسلم رگبتك للأشــــــــــفار حاشاك غير الموت بالعز تخـــــــتار
يا صادقاً في الوعد يا حافظاً للعــــــــهد
لا شيء كالوحــــــدة والإيثار
في دولـــــــة الأشـــــــــــرار
* * *
غايتك موتدخل حــــــرب واتغــــامر حتى تگول الناس عـــــنك ثــــــــاير
ما ردت من هالناس بيك اتفاخــــــر ولا همتك يحسين قلة نــــــــاصـــــر
جوهر فكرتك شفت حاكم فاجــــــــر رايد ابهالأمه المجـــــيده ايتاجـــــــر
رددت صوتاً صاخبهذا يزيد غاصب شتان بــــين العــــــــزِّ والإقــــــــرار
في دولـــــــة الأشـــــــــــرار
* * *
بذلوا جهد رادوك الــــهم تخضـــــع شافــــــــوك صامد للظلم ما تركـــــع
وافتحت للتضحيه الباب الأوســــــع معركه وبيها اشترك حتى اليرضــــع
صرخات من دمك الطاهر نسمــــــع معناها لو عيشه ابشرف لو مصـرع
يا قاهر الأعـــــداء في يـــوم عاشوراء
ها نحن نبكيك بدمـــع جاري
في دولـــــــة الأشـــــــــــرار
* * *
كل يوم باحث يظهر ابهالتحــــــــليل ويگول ابو السجاد حصل تبجــــــيل
بالحرب فاز ونال أشرف اكــــــــليل شنهو السبب هالدمع من أجله يسيل
وليش الحزن متصل من جـيل لجيل هذا الدمع تجروه بدعه وتضلـــــــيل
مستفهماً لا يــدري عن خافــــيات الأمر
كم من سؤال بات في الأفكار
في دولـــــــة الأشـــــــــــرار
* * *
يالباحث احنه انجاوبك عن ايــــمان هذا الدمع موبس علامة أحــــــــزان
هالدمع أصبح للتأســــــف عـــنوان ما چنه ويه حسين ذيچ الازمــــــــان
لو چنه وياه ابغــــــمار المـــــــيدان چان افتديناه ابدمـــــوم الشريــــــان
واحسرتي والهفـي دمع الأسى لا يكفـي
نبكي أسىً بالأدمع الغـــــزار
في دولـــــــة الأشـــــــــــرار
* * *
