همت و امواج عيني اعله الوجن تهلي .... و رحت لم البنين أنشدها عن  أهلي شـفـتـهـا  امكدره و متحيره مثلي .... قبل ما عنها أنشد ناشدت  عني قـالـت  يـا الـعليله ايصبرج المعبود .... اصبري ان شاء الله أبوج  ايعود و مـثـلـمـا راح ياريته يرد اردود .... و عسه الباري يحقق ظنج و  ظني قـلـت الها و غدت تآكل ابقلبي النار .... ما وصلتني من الأهل كل  أخبار يـا أم الـبـنـين ابعيني وحشه الدار .... و من بعد الأهل هالدار ما  تلمني عـقـب  ما خففت عني حنين البين .... قادتني و خذتني الدار أبويه  احسين و  دار أهـلـي خـلـيـه وشتشوف العين .... أنسه و المحن بيهم يذكرني عسه ابعيد البله و ريت الكدر يبعد .... اشننسه من هلي و فقد الأهل يضهد ويـه  احـسـيـن أبويه اهنا جنت اقعد .... و عماتي و خواتي اهنا  يبارني و اهـنـا جنت أجي و جان القلب مستر .... و ابكتره يقعدني علي  الأكبر أشـوف امـجـانه خالي اشلون ما أقدر .... ياريته اليوم حاضر يستمع حني و اهـنـا جـنـت أجـي و للطفل أتفقده .... عبدالله أناغيه و أهز  مهده و اسـكـتـه لـو بـجه و أقعد و أشم خده .... ابعبدالله الليالي ما ينسني أشـلـون  أنسه هلي و أنسه لياليها .... و رقية اهنا جنت أقعد و  أحاجيها ابـعدت  عني  و بقيت أنظر و اتانيها .... حزينه و الغصص بعدي  اشيراويني أشـوف امـجان أهلي مظلم و خالي .... أشوف الدار مهجوره و بلا  والي يـا أم الأربـعـه حـالج مثل حالي .... و عمماي البين أخذهم منج و  مني