يـا  كـربـله  يا كربله .... حزنج يرد  الأوله يــا  كــربــلــه يــا  كـربـلـه يـا  كـربله  من يا جرح أبدي و أسولف يا  ألم لـلـيـوم  لو هب الهوه ايشممنه عطاب  الخيم لـليوم  يدوي و ما هجع يا كربله صوت  الحرم يـا كـربله وشجم صبر ركنه ابحزن بيج  انهدم تـبـقـه  المدامع  هامله ....يا كربله يا  كربله يـا  كـربـلـه عندج قبر أطيب شفاء  ابتربته بـاب الـدعـاء اشما عسر قبله جليل  ابحضرته يـنـطـي الأمل اللي عطه باجر شفيع  الشيعته و  الـيـقصد المكه و يحج حجة الشيعه  ازيارته ويـاج لـمـعـاتب حله ....يا كربله يا كربله يـا  كـربله ليش القلب من يذكر إمصابج  يحن واحـدنـه من يفقد محب يمكن سنه ابفقده  يون مرت  على احسين اشكثر أعوام نبجي و ما  نعن يـا جـنة الشيعه و تره غيرج عله الشيعه سجن يـمـتـه تـرد الـقافله....يا كربله يا  كربله قـصرين  للطيب  انبنن لحسين و اعضيده  القمر و اتـقـابلن أم الحسن و أم الغفه ابشاطي  النهر أم  الـقـمـر موعظنه أعله احسين محنيه الظهر فـاطـمه  اتنادي و ثاكله ابعباس صوبني  الدهر الله  يـعـيـن الـثاكله ....يا كربله يا  كربله يا كربله بعدج صعب و انسد عله الشيعه الدرب و  ازيـارتـج من هالبعد ما تطفي نيران  القلب لـو ما أطب الحضرته ابلوعه و جفن عيني يصب مـا  أروه مـنج كربله و الله القلب مل  الغرب روحـي  اشكثر  متحمله ....يا كربله يا  كربله يـا  كـربـله ما ناشدج قلبي على أحبابج  أبد و  عـاشور  لو مرج عله العافوا وطنهم ما  نشد وفـيـنـه  وياج  الوعد نترجه من عندج وعد يـا  بـلـد عـزتـنه فلا غيرج يصير إلنه  بلد يـمـخـدره  و يمدللـه....يا كربله يا  كربله