بـعـيـون الـحـسين ....مرسومه جرحين الوالد  علي.... و إبنه علي.... صارن  طبرتين ابـطـبـرة  إبـنه علي....إتذكر طبرة  علي مـــرســومــه جــرحــيــن الـهـذا الإسـم قـدسـيـه بالنهج  العلي و  عـن أبـو الأكـبر هالحديث أصبح  جلي قـال ألـف مـولـود آنـه لـو ولدوا  إلي إبـفـضـل الإسـم كـلـهم أسميهم  علي هـذا الإسـم صـار....عـنـوان لـحرار و  إحـنـه و حق غيرة علي....ما غيره نختار نـبـقـه إنـقدس علي....بإسم العالي العلي تـسـتـبـصر  العين  .... مرسومه جرحين هـذا الـحـسـيـن و مـنبع الحق و الوفه إيـحـب والـده حب قدسي مو حب عاطفه عـاش  بـاحـاديـث الـرسـول  المصطفه و  يـعـرف فـضـل هذا الإسم عن  معرفه و  ابـكـنـز لـطـهار....سر حامي  الجار سـر قـل هـو الله أحـد.... ما بين  لسرار و  الـيـعرف  سر علي ....ينجن ابحب علي و  يـنـجـح  بـلثنين.... مرسومه  جرحين احـسـيـن و عـلي الوالد مثل عين و  نظر مـا فـارقـه مـثـل الـجـرف ويه  النهر مـن شـاف ابـوه بـمـسجد الكوفه إنطبر إتـهـيـئ دلـيـلـه السطوة إهموم  الدهر و إيـنـادي جـبـريـل....دم حيدر يسيل و  إنـهـدمت أركان الهده.... صابوا  التنزيل إيـصـيـح  ابمصرع علي....يا بويه يا  علي ويـن أتـجـه ويـن.... مـرسومه جرحين دارت رحـه الـدنـيـه و طوه إكتابه الزمن عـمـر لـحـسـين ابسرعه أعوامه  إنقضن مـا شـاف لـنـه ابـكـربله ابوادي  المحن و  إقـبـالـه جـيـش إمجرد إسيوف  الفتن زمــرة مـلاعـيـن....لا ذمـه لا ديـن تـبـعـوا يـزيد الطاغيه.... نسل  الشياطين زمـره  و تـكـره علي....تكره سيرة  علي و إتـطـالـب إبـدين.... مرسومه  جرحين مـن حـان الأكـبـر دوره للحومه و  مضه دارت  عـلـيـه أهـل الـنـفوس  المبغضه مـن  الـحـقـد بـيـهم تشب نار  الغضه عـدهـم الأكـبـر دمـه دم  الـمـرتضه دارت بـالأسـيـاف....ضد نسل  الأشراف أشـبـه الوادم بالنبي.... و ابنفس  الأوصاف لاجـن وارث عـلـي....هـمت جده علي و  بـذاتـه وصـفـين.... مرسومه  جرحين بـالـسـيـف طـبروا راس إبن سر هل  أته دم  عـلـي الأكـبـر جن علي و دم طبرته لـمـن هـوت بـيـن الـكـتـايب جثته الـصـوب الـخـيـم إدركني وجه صرخته لـلـوالـد إنـخـاه....إدركـنـي نـاداه و احـسـين راح و شاهده....تتسافح  إدماه ظـل يـصـرخ يـا علي....آه يبني يا  علي هـالـنـايـبه امن انين.... مرسومه  جرحين ظـل  يـنـحـب و يـنـده يلكبر  يولدي يـا  سـيف صبري و رمح عزمي و  ساعدي مـوعـد مـمـاتـك هـذا قرب  موعدي و  طـبـرتـك تـشـبه يبني طبرت  والدي مـتـراكـمـه  إجروح....و إقبالي  مطروح مـتـقـلـي يبني يا علي.... شيصبر  الروح دم  راسـك يـا عـلي....دم جدك يا  علي شـعـلـن جـمـرتين.... مرسومه جرحين يـبـنـي عـلـي اعيون الخصم نامت  رغد و إخـلاف عـمـرك عـمري ما يسوه  بعد صـيـوان عـمـري طـايـح و إنته العمد يـا درع صـبـري الـيشقف إسهام  الشدد