أضف الموضوع
الشاعر المرحوم الشيخ كاظم منظور الكربلائي - 06/01/2010م - 11:32 م | عدد القراء: 2907
يــا كــفــيــلـي يـحـرم عـلـيـنـه الـفـرات
ســالــم إنــت وســكــنـه بـخـطـار الـحـيـاة
تـصيح سكنه والظمه مأثر عليها.... وين عمي ولازمه الجود بديها
يــا كــفــيــلــي.... إنــصــر دلــيـلـي
وانـــــــه زيــنـــــب
زيـنـب بـخـدر الـمـحـصـن بـالـسـمـر وسيوف أهلها
لـن تـشـوف الـنـور مـشـعـل زهـر بـالـخيمه وشعلها
طـلـعـت تـشـاهـد الـنـور وشـافـتـه بـوجه الكفلها
وبـذروة الـرايـة سـفـر..... صـاحـت يـمـن لختك فخر
دسـمـع يـبـو فـاضـل خـبـر.... رايـتك واعرف فضلها
يــا كــفــيــلــي آنــه زيــنـب وبـحـمـاك
أقــســم عــلــيــك بـيـمـيـنـك وبـلـواك
عـاهـدتـني تبيع للخوه يمينك..... هذا يومك وإنظر لحالة بنينك
يــاكــفــيــلــي... إنــصــار دلــيــلـي
وانـــــــه زيــنـــــب
وبـمـسـيـر الـضـعـن تـذكـر نـاگتـي مـن گلـطتها
وعـلـى الـنـاگه إنـصـبـت هـودج شرف والرايه انشرتها
وشـبـحـت لـرايـتـك عـيـنـي وبـشر گلبي من شفتها
رايـة بـسـعـدهـا مـهـلـهـلـه..... والـسفر وياها يحله
مـن الـمـديـنـه لـكـربـلـه..... لازمـتـنـي ولازمتها
يــهــون يـخـتـي مـطـلـب سـكـيـنـه يـهـون
كــون اجــيــب الــمــاي وأخـبـط لچ الـكـون
آنه اخوض المشرعه يابت محمد.... خويه أدري بهمتك والكون يشهد
يــا كــفــيــلــي... إنــصــار دلــيــلـي
وانـــــــه زيــنـــــب
يـاگمـر عـدنـان تـذكـر مـن طـلـعـنـه مـن المدينه
مـنـهـو دگ صـدره وكـفـلـنـي وگال انا حامي الضعينه
وإنـت بـعـدك بـالـحـيـاة ومـاي مـا يـحـصـل بدينه
مـثـلـك يـظـل مـخـيـمـه..... بـيـه تشتعل نار الضمه
إدرك ودايـع فـاطـمـه...... وإخـذ جـودك مـن سـكينه
هــذا جــودك يــا حــلــيــف الــغـانـمـات
وبــيــمــيـنـك سـيـف يـصـنـع مـعـجـزات
هـالـمـعاجز لحيدره بالكون تظهر.... ياحياة الدين يا عنوان حيدر
يــا كــفــيــلــي... إنــصــار دلــيــلـي
وانـــــــه زيــنـــــب
يـخـتـي وانـه الگلـت عـنـدي وبـعد اگول النوب عندي
وإنـت تـدريـن بـحـيـاتـي مـا خـلـفـت وياچ وعدي
ومـااظـل مگيـود ذمـه وكـون أذب عـالـمـاي جـهدي
وبـسـاعـدي سـيـف الـوفـه ..... وبجسمي روح العاطفه
بـرضـاچ لـو حـظـي إكـتفه.... صدگ ويه حسين عهدي
يــاكــفــيـلـي الـظـمـه صـوبـنـه بـمـصـاب
لــلــشــريــعــه تــروح لا اطـول الـغـيـاب
حرم مصيوبه بضمه تنتظر جودك..... للشريعه تروح وادفعها بجهودك
يــا كــفــيــلــي.... إنــصــار دلــيـلـي
وانـــــــه زيــنـــــب
عـالـوعـد رايـح يـزيـنـب والـيـواعـد كـون يـوفي
لـو اجـيـب الـمـاي لـو عـالـمـاي تـتگطـع چفـوفي
ويـنـفگد خـدرچ يـزيـنـب مـثـل مـا يـنـفگد شوفي
وراسـي الـعـمـد لـو هـشـّمـه.... بـيـتچ عليّه يهدمه
وخـوفـي لـودايـع فـاطـمـه.... مـو عـلى الچفين خوفي
يــالــعــقــيــلــه أمـنـي وكـونـي بـأمـان
ضــمــنــت خـدرچ والـضـمـه حگ الـضـمـان
افدي روحي كون خدرچ يالعقيله....روح أوفي وانه من بعدك كفيله
يــاكــفــيــلــي .... إنــصــار دلــيـلـي
وانـــــــه زيــنـــــب
يـخـتـي أوصـيچ بـوصـيـه وسـجـلـيـهـا بماي عيني
لـو حـده الـحـادي بـسـيـبـكـم مـري بـيه وودعيني
دوّري بـكـتـر الـشـريـعـه چفـوف يـسـراي ويـميني
لـو صـار يـخـتـي هـالأمـر....ومـوزعـه بـطـعن وطبر
ويـاچ تـمـشـي لـلـيـسـر...تـصـدي لـيها تشاهديني
يــالــعــقــيــلــه بـيـنچ وبـيـنـي عـهـود
أصــخــي بــالچفــيــن وبــنـفـسـي أجـود
گطـعـت الچفين للزهره هديه..... ادري توفي راضع بثدي الحميه
يــاكــفــيــلــي.....إنــصــاب دلــيـلـي
وانـــــــه زيــنـــــب |
|
