لـيـل الـفـراگ بـعـد هيهات أنامه.... لمن الراح يرد ليه  بسلامه تـركـنـي الـعـنـدي غـالـي.... بچه الـطـيـر اعـله حالي لــيــل  الــفــراگ بــعــد هــيـهـات  أنـامـه عـيـونـي  مـن راحو بجت ناظرها....والوسن ساعة وحدة ما  مرها روحـي  ولـهـانـه بـيـش اصبرها....من مشوا عنها البعد  حيرها مـا رجـع مـرسـول حـتى يخبرها....بس أنين الدار كسر  خاطرها ويـن  الـيـروح يـوصـلهم عتابي تسكن جروح سهر ليلي  وعذابي طـفـت شـمـعـة دلالـي.... بچه الـطـير اعـلـه حـالـي طـفـلـه  عـافوني بدمعتي التجري....سافر اوياهم من مشوا  صبري نـار مـلـتـهـبـة حسرتي بصدري....وين سفرتهم ما چنت  أدري ويـا الـمـوادع ودعـت عـمري....بيد ناعي الموت سلمت  أمري طـفـلـه بالدار انا الوحدي وعليله.... غير الدموع بعد شملك وسيله بـقـيـت أحـسـب لـيـالـي ....بچه الـطـيـر اعـله حالي والله لـو أدري بـيـهـم يعودون....جاگلت صبري وانتظاري  يهون والـصـدى  يگلـي بـعد ما يلفون ....اهلچ الراحوا الكربلا يردون صـحـت  تانوني من سرى المضعون....ما بگت عندي للدموع  عيون بـيـن الـهـمـوم تـركتوني وحيده ....عمري شيفيد بعد لمن اريده يــخـلانـي شـبگى لـي.... بچه الـطـيـر اعـلـه حـالـي يـا هـوى الـمـنـهـم بـالنسايم هاب....بالله خبرني بين الاسباب سـاعـة  الهبيت جرح قلبي طاب....نشفت دمعي الكل وقت  سجاب گلـي  هم مريت من سما الاحباب....هم خبر عندك عن هلي  الاطياب يـا هـوى الـهـاب اظـن تعرف مرامي.... لمن تعود تبلغهم سلامي عـلـى احـبـابـي سـؤالـي.... بچه الـطـيـر اعـلـه حالي عـنـي مـن ابـعد صوت حاديكم....وبضعنكم چان يحدي  ناعيكم بـعـد شـتـأمـل لـو اتـانـيـكم....لو يصح بيدي اعتني ليكم حـتى  اشوف  اشصار وش جرى عليكم....دهري يحبابي هم يرد بيكم انـثـر ورود دربـكم لو اجيتو ....روحي للموت سرت يوم  السريتو دمـع عـيـنـي حـلالـي.... بچه الـطـيـر اعـلـه حـالـي صحت وين الگه الگلبه طيب وين...عوض عني يروح ينخى بويا حسين فـاطـمـة  يگله على فراش البين....كل بدنها جروح لا جرح  واثنين بگت مـحـتـارة تـصـفگ الچفـين...لو يحل موتي من يغمض العين انـظـر  الـدار وحـشـة خليه ....عگب الاحباب هلا بجيت  المنيه عـلـى مـصـاب الـجـرى لـي.... بچه الـطـيـر اعله  حالي