أشـد  مـوقـف كـسر گلبي برحيلي.... شلت عيني وشفت راية  كفيلي تنشد وين چف الگمر عفته إشلون فوگ النهر شلت عيني وشفت راية كفيلي حـيـن  گبـال عـيـنـي لاحت الرايه .....تذكرت الكفيل البيه  لكفايه اخـوي  الچان يـنـعـد للوفا آيه .....امتلك شط الفرات وما شرب مايه عـلـي غـصـبـاً رحت عنه وتركته..... وبقت حسرة بدليلي ما  وصلته عـنـي بـعـيـد راعـي الـفـخـر .....عـفـته اشلون فوگ  النهر كـفـيـلـي مـن الـمدينة بإيده طلعني..... نشر راية الغيرة وبيها  گبعني ردت يـا نـاس أودعـنـه ويـودعني..... أروح اشلون گلبي ما  يطاوعني لـون بـأيـدي فـلا والله أعـوفـه .....فرض جسمه سبع أشواط أطوفه لگضـي  بـنـوح  درب الـسـفـر .....عـفـتـه اشلون فوگ النهر وداعـي  اعـلـه الـبعد وياه عذبني..... وسهم الصاب عينه بعيني  صوبني احـتـاجـيـتـه وردت مـنـه يـجاوبني..... يجدم ناگتي وبيده يركبني أخـوي الـمـابـدى يـوم اعـتـذاره .....زمـانـي گطعيمينه ويساره حگه انچان مـنـي اعـتـذر .....عـفـتـه اشـلـون فـوگ الـنهر عـلـى عـطفه وحنانه وفضله عودني..... كل ساعة تمر عباس يف  يفگدني يـحـلـفـنـي شريد شعندي ينشدني .....اخوي الكله غيره خل يشاهدني انـا  الچنـت  بـفـضـل عـباس أميره..... عگبعينه رحت للشام اسيره جـار  ويـاي ظـلـم الـدهـر .....عـفـتـه اشـلـون فوگ  النهر چانـت عـشـرتـي ويا الاخو عباس..... مشارك بالمهموم وعزت الانفاس يـقاسمني  المشاعر طيب الاحساس..... حگيلو صحت شاب الگلب  والراس مـقـام الـعـالـمـة يـنـظر مقامي..... فرض عند الاخو  چاناحترامي لـلاخـلاص أروع صـور .....عـفـتـه اشـلـون فـوگ  الـنـهر زمـانـي مـن الطفولة بظلمه خاصمني..... وبإيد الشامت اليبغضني  سلمني لـو ان عـبـاس يـمي من يشتمني..... ومن يضرب امتوني  وگدريهضمني انـا شـبـيـدي عـلـى حـامي الضعينه .....بالمروة الوفي ينضح  جبينه يـوم  الـطـاح گلـبـي انـكـسـر .....عـفـته اشلون فوگ  النهر جـرح  يـبگى  بـدلـيلي أثر نيشانه..... وگفت مچتفه گبال إبن  مرجانه شـتـمـنـي  وعـلـيـا طول لسانه..... أبوي المن صفاته حامي  جيرانه اخـوي  الـيـنـوصـف راعـي الـشهامه..... يمينه بمقبض الرايه  علامه چف عـبـاس تـارك أثـر .....عـفـتـه اشـلـون فـوگ الـنـهر