والله مـن حقي بذكراك... اصرخ اهواك و  اهواك دهـري  كلما جار انخاك... يالحسن واشعر  بحماك تـعـبـر حدود الايام ...تشفي روحي من  الالام عـيـنـي  قبل لساني تحجي عن حبيبي بلا  كتمان مـو قـلـت سئلوني عنك بيك فضحتني  الاجفان سـيـدي  وهـالـدنيا لمن سدت بوجهي  البيبان ويـن  اروح  لـغـيـر بابك من قلتها مو غلطان وبـمـقـالـي... ما اغالي ...لا ابالي... لو  انلام عـقـلـي  بـيمينك  ملكته قلبي بيسارك مأسور بـالـرخـا  وبالشدة يمك يالولائك حصن  وسور وانـت  يـالـكلك شهامة تحتمي بذرعاك  صدور وبـجـبـيـنـك يا إمامي من الظلام يلوذ  النور إنـت سيرة ...كلها غيره... للبصيرة ...نورك  دام شـنـهـو  يـمـنعني أحبك والمثل خالفته  الراي كـلـمـن بـعيد على عيني عالقلب مبعد  يهواي لا وحـق الـمـاتـدركـه بـالبصر شوفة عيناي مـا  اشـوفك بس احسك توقف بكل شدة وياي مـا تركتني... وادركتني... وملكتني... وقلبي  هام هـالـحـروف الابجدية صرت اقلبها بكل  صوب يـاوصـف يـحمل بلاغه يصلح لوصف  المحبوب مـشـرق بـأفـق الـمحبة يا شمس وبليه غروب قـلبي  شمع وانت تدري من الطبيعي الشمع  يذوب سر خصالك ...من كمالك... يالحلالك ...هالإلهام شـلـون اعـبـر عـن محبتك بالمعاني العقل  يحير مـن الـلغات احساسي اكبر واغرق بموج  التفكير مـرة بـأدوار الـمـحـبـة لـلكلام الدور يصير مـرة  لا  بـس بـسكوتي والسكوت افضل تعبير