بـيـن الـجـفـن والـعـين... صورة جمالك مـحـفـوره عـالـضـلـعين... آية  جلالك شـلتك نبض بين الوريد... تدريني ما غيرك  اريد يـغـالـي  ... وكـل خيالي... والشعور  وياك اضـمـك...  وعـلى  رسمك... لهفتي  بطرواك حـيـاتـي... وامـنـيـاتي ... فرحتي  بملقاك افـكـر  ... مـن ادور... بـالـنـبض القاك واكـثـر  ...  شـوقي يكبر... واتسامر بمعناك نامت على خد الغرام ... شامة عشق تضوي  هيام وعـلـى  الـوجـن شطين ... شوقي  ودلالك اسـافـر ... بـالـمشاعر ... والعشق  جنحان واجـيـلـك...  معتني لك ... وانت  بالشريان مـن اسـمـك... ثغري ضمك... ضمة الولهان احـبـك...  وعـلـى حبك... هايم  وسهران ضـامـي...  كل غرامي... حبك دوا  العطشان انت النبع وانت الوجود... حبك يظل سر  الخلود مـثـلـك  اجـيـبـه مـنين ... محد  مثالك زمـانـي... لـو رمـانـي... عـاندت دنياي اقـصـدك... وانـه عبدك ... بس الك  منواي اطـلـبـك...  وعلى  دربك ... سيدي  عناي مـنـك...  الـقـى مـنَّك ... شيمتك وفّاي تـسـرح ... روحي تفرح... فرحة شجر  بالماي وشـمـا يراويني الزمان... يحسين الاقيك  الامان والـرحـمـة بـالـكـونين ... اول  خصالك يـشـمسي... ولمن امسي ... عيني بيك  تشوف نـهـاري...  بـيـه اداري... قـلبي  الملهوف وآمـل ... يـمـك انزل ... واعتنيك  زحوف جـروحـي ... تـبقى روحي... بالحنين تطوف وانـتـه... يـالعشقته... كل يوم اشوفه طيوف بنار الهجر شمعة واذوب... عن حبك ابدا ما اتوب مـشـتـاق  الـك  يحسين... واطلب  وصالك