إرجــع ويــاي ... مــنـريـد الـمـاي إجـيتك  خويه  للمصرع... لقيتك عالثره  امقطع صـحـت و بـجـمـرة المدمع... منريد  الماي مـن سـدر قـمـر عدنان حامل رايته و  جوده اعـلـه جـمر العطش يتخطه نهر تتفايض  ازنوده نـكـد غـوجه و عله و يده و يرتل آية  اعهوده نـزل لـلـشاطي و اتذكر مهج و أرواح  ممروده مـسـتـعـره  إحـشـاي... صـاح السقاي قـسـم و بجلمة الإخوه... أبد ما أشرب و  أروه ابـصـده يـنـادي يـبو النخوه... منريد الماي طـلـع مـن الـنهر عباس شمر جوده عله امتونه ابـرد الـمـاي حـس قلبه شرر تتجادح اعيونه كـل قـصـده يـوصل الجود لعياله اللي  يتنونه لاجـن  سـهـم الـمثلث صابه و خيب اظنونه قـطـعـوا  يـمـنـاه... طـفـوا  عـيـناه رضـيـع  احسين يتنظره... ودايع فاطمه  الزهره تـنـوح ابـمـهـجـه مستعره... منريد  الماي مـن كـل جانب و كل صوب عباس انلزم  دربه رش اسـهـام ظـعن اسيوف ضربه و بأثر  ضربه و  حـس بالماي يتفايض و حضن جوده على  قلبه الـقـدر مـا فـارقـه لاجن نكبه من بعد  نكبه نـيـران  اضـمـاي... تـسـعـر  بـشلاي أبـد  مـا فـكر ابوضعه... تذكر مهجة  البضعه نـداهـا جـن إهـو ايـسـمعه... منريد الماي وجـه حـسـين ظل مخطوف ابفارغ صبر ينتظره حـجب  بدره  اختفه صوته و غابت رايته  الخطره طـاح  اشـلـون  لمن طاح أبو فاضل عله  الغبره إسـتـقـبلها بلايه ازنود حضنها ابسهم  لبصدره و اتـلـكـه الـقـاع... مـن غـيـر  ادراع هـوت  عالمشرعه ازنوده... يون يم رايته و  جوده تـصـيـح اكَـلـوب مـمروده... منريد الماي قـرب مـن الـمـعـاره حسين يتعثر إجه  ابهمه ابـضعيف الصوت يسمع صوت إدركني يبو  اليمه شاف اجفوفه شاف الجود و عله الغبره وذر جسمه مـتـطـشـر  عله التربان اشلون ايجمعه و  يلمه بــآخـر  أنـفـاس... صـاح  الـعـبـاس و ابـو الـيمه إله اتعنه ... عدو حسب قرب  منه و  يـنـادي حـسين بالونه منريد... منريد  الماي ابـحـجـر حسين حط راسه هوه بآخر  الأنفاس اكسرت ظهري امردت جبدي و بيه شمتت  هالناس يـخـويـه مـا نـريـد الماي رد وياي يا عباس يـقله  اشلون أرد و آنه قطيع الجف هشيم  الراس إخـذ الـجـفـيـن... و إرجـع يـحـسـين عليَّ  رجعتي  تصعب ... اعتذر لي خويه من  زينب و أبـو الـيـمـه بـقـه ينحب... منريد  الماي