ويـن  إعـداك مـا مـنـعـونـي...مـا أنـساك لو  ذبحوني لـو صـار الثمن عمري...لمن ينقطع نحري...ما أنساك لو ذبحوني عـاشـق يـحـسـيـن إيـسـمـوني خلي الحساد إيسمعون مـجـنـون و عـاقـل بـجـنـونـي و من يقدر يمنع مجنون قـالـوا  نـاخـذ مـن كـل عـشـره واحد يحسين  يذبحون آنـي اويـاهـم شـايـل نـحـري و أتـسابق ويه  اليمشون مـا ظـل خـوف و أرفـع صـوتـي...و المعروف رايد  موتي قالوا  إرجع و تسلم ...جاوبهم مسيل الدم ...ما أنساك لو  ذبحوني أتـعـلـم  مـن يـومـك بـالـطـف أتحده القطع  الأنفاس يـحـسـيـن و مـقـيـاس الـمـوقف ينقاس إبجف العباس مـرفـوع الـراس و مـا انـذل كـلـمـة حبك رفعة  راس هـذا آنـي و خـادم خـدامـك بـس مـحـسود بين الناس مـا  أحـتـاج حـبـك نـعـمه...و أشرف تاج تاج  الخدمه رغـمـاً  عـاليضدوني...خليهم يسمعوني...ما أنساك لو  ذبحوني قـالـوا بـدعـه الـيضرب صدره و لا تسجب دمعه  ابعاشور مـا  أهـتـم بـقـلام الـفـتـنـه و لا أسمع حجي  المأجور يـعـنـي  إمـصـابي ابقطعة راسك ما يستاهل ضرب  إصدور كـل يـوم الـمـوقـف يـتـوضـح و إنكشفت أقلام الزور عـن حـسـيـن لـتـحـاجـيـني...إنت بدين و آنه بديني كـلـمن قانع برايه...و آني الآخر إحجايه...ما أنساك لو  ذبحوني مـا  حـبـيـت و غـيـرك مـا حـب آنه المجنون و  حبيت لـو لـحـظـه الـنـوم يـنـسـيني أصحه لو بإسمك ناديت و الـسـيـف الـظـالـم مـا أركـع ذل السيف و ما ذليت ظـنـوا بـالـمـوت يـخـوفـونـي و آنه اعله الموت إتعنيت سـيـف الـمـوت يـعـجـز مني...آخر صوت يكتب  عني مات الما عرف طبعي...يكتب عالحجر دمعي...ما أنساك لو ذبحوني مـلـيـونـيـن  الـتـقـصـد  للحج لكن جم ميه إيموتون عـشـره  أضـعـاف الـتقصد قبرك ما بيهم كل شي  يعودون مـا تـكـفـي الـسـاحـه الزوارك لكن تكبر مدري اشلون هـاي الـحـجـه و هـذا الـمـنطق بلكي الما عرفوا يصحون لا تـحـتـار خـلـهـا إتـعـايـن...هذا الصار و الحق باين شـوف الحاله و إتعلم ...هذا الواقع إتكلم...ما أنساك لو  ذبحوني يـا  لايـم خـلـك بـأفـكـارك خـلـيني إبدمع  الأحزان ثـوب  الأسـود مـا بـدلـتـه و لا أقـدر أنـسه  العطشان مـو  قـالـوا عـيـنـك مـيـزانـك تنكر عينك و  الميزان أحـسـن  خـلـيـك إبـعـنـوانك و آنه أبقه ابهذا  العنوان لـيـش  إتـلـوم قـلـبـي و ناره...و بكل يوم أطلب  ثاره مـا تـقـدر تـغيرني...صوت الما يفارقني...ما أنساك لو  ذبحوني