ذمـه  إبـرقـبتك  تسرع  يالأعرابي عـلـى إرجاب لبحيله همتك  شدها و  خـيط الفجر خل يصير  مقصدها و  خـلـيها  البراق إتصير بين الخيل و خل تظهر إشعدها من عزيمه و حيل خـلـهـا إتريض إبساعة  التوصلهم و  عـن  حسين روح الهادي سايلهم بـعـيـونك  أريدك والدي  إتشوفه و تـنـشدني إعله بو الهيبة  الموصوفه و  عـن  جـسام تنشد لي إبن  عمي تـنـاشد لي اعله زينب عمتي و  أمي و  مـن توصل لعند حسين ابو  اليمه وصـتـنـي  الـعليله قالت  إشتمه و قـل إلـهم تقول إشوكت ردتكم و  مـن إتـموت من يدفن  عليلتكم

قـبـل طـرت الفجر توصل  الغيابي و  هـد إلها الرسن و بزودك  إلكدها و  قصر  إلها الجتف من توصل  أحبابي و إتـحوم إبسمه المرجله ابجنح  الليل و  تـوصـل  قبل ما يتوسع  إصوابي و طـارش مـن عـليلتكم تقل  إلهم و  أريـدك بـيد إبويه إتسلم  إكتابي و عـمـي عوض عني إتقبل  اجفوفه عـلي  الأكبر إخوي و هيبة  إحجابي إلـبـشـوفـة  إخياله ينجلي  همي و يـا هـو اللي تشوفه إتبلغه  إعتابي اعـلـه  عبدالله إنشده لو رحت  يمه و  مـهـد الغالي دوم إيهيج  إمصابي عـلـيـه  يـا هلي طولت غيبتكم و  مـنـهو  اللي يهيل إبدفتني إترابي