أضف الموضوع
الشاعر السيد سعيد الصافي الرميثي - 14/12/2010م - 5:02 م | عدد القراء: 2962
نـظـرنـه اعـلـه الـدرب لـيـل إنـهـار...يـجـيـنـه ابيا وكت راعي الثار
خــلـص لـيـل الـصـبـر...مـتـى يـطـر الـفـجـر...راعـي الـثـار
لابـد مـن بـعـد كـل ليل نتنطر فجر يطلع...تبزغ بالأمل شمسه و باب الخير يتشرع
كـل لـيله التمر و احنه للشر و الغدر مطمع...إنبات و دم مناحرنه لسيوف الحقد مرتع
صـبـر بـيـن الـرجـه و بـيـن الـخـوف...و لا نـدري اشـبعد راح انشوف
ابـخـطـر جـبـنـه الـعـمـر...مـتـى يـطـر الـفـجـر...راعـي الـثار
دعـاء المضطر المهموم ندعي الباري كل ليله...من التدعي الإسلام شكوت ألم نشكي له
جـف الفاجر إيريدون من أهل الشرف تقبيله...و إذا رايد تعيش ابخير عيش ابمكر و بحيله
يـذل راعـي الـوفـه اشـلـون ايـصـيـر...يـظـل مـخـلص لون راسه ايطير
صــعــب هــذا الأمــر...مـتـى يـطـر الـفـجـر...راعـي الـثـار
الأصـيل المن صلب طاهر ماحد يقدر يذله ...و من طبعه ابعسر دنياه ابثوب الصبر يتحله
يـجوع و يعطش و يعره و عليه ما تظهر الخله ...و كلما يكثر الباطل ابنور العدل يتجله
زمـان أهـل الـظـلـم ولـه و راح...كـراسـيـهـم بـقـت بـس أشـباح
إنــكــشـف دور الـغـدر...مـتـى يـطـر الـفـجـر...راعـي الـثـار
الـيسأل شنهي مطلبنه و يريد ايشوفه و يعرفه...ليش المهدي ننتظره كل يوم اليجي ابلهفه
بـيـنا امن الزمان اجروح بغير الثار ما تشفه...و جمرتنه المصاب الحسين ما تبرد ولا تطفه
عـلـى امـصـابـه جـمـر تـبـجـي الـعـيـن...و لا يـشفه أبد جرح حسين
إلــى يــوم الــحــشـر...مـتـى يـطـر الـفـجـر...راعـي الـثـار
نريده الكربله يقصد ابدمعة عين سجابه ...و قوم الداروا اعله حسين يصفي اوياهم احسابه
و يـسـأل ليش المثلث جبد المصطفه صابه...و ليش امن القفه ذبحوه و هم سلبوا اثيابه
يــصـيـح ابـيـا ذنـب مـن ذبـحـوه...مـن الـمـاي الـعـذب مـا رووه
عــطــش جـبـده جـمـر...مـتـى يـطـر الـفـجـر...راعـي الـثـار
يـوقـف يم قبر جده يصيح ابلوعه يا مظلوم...يجدي الكربله اتعنيت أريد الثار هذا اليوم
يقله فوق صدر حسين رضيعه البلسهم مفطوم...طفل وياكم اشجاني من الماي إنذبح محروم
جـرمـكـم مـا جـره ابـيـوم و صـار...بـغـض هـذا الـعـلي حامي الجار
طــلــب وقــعــة بـدر...مـتـى يـطـر الـفـجـر...راعـي الـثـار
يـغايبنه و بعد منك عدهم شيعتك مطلب...نروح اوياك لرض الشام ننشد عمتك زينب
مـصيبة عمتك عندك من كل المصاب أصعب...ننشدها اعله غربتها قلبها البسبي إتصوب
تـصـيـح امـروتـك يـا عـبـاس...يـخـويـه امـن الـهـضـم شاب الراس
كــســر قـلـبـي الأسـر...مـتـى يـطـر الـفـجـر...راعـي الـثـار |
|
