يـا مـظـلـوم إشـلون أنساك...و إشلون أتحمل فرقاك صـاحـت زينب... قلبي إتعذب...و إشلون أتحمل  فرقاك زيـنـب إجـت مـن الـيـسـر تجري الدمع و  اتنادي هـذي مـنـازل كـربـلـه و هـذا الـنهر و  الوادي يـالـحـادي نـوخ بـالـظـعـن يـم الأهل  يالحادي و  بـهـيـدة حـط الـراحـلـة و نـزل بنات الهادي صـاحـت يـحـسين أرد أنخاك...هاك إسمع قلبي اشناداك رايـح مـنـي...غـايـب عني...و إشلون أتحمل  فرقاك امـن الـنـاقـة طـاحـت لـلـقبر لاجن تسيل  العبره تـذكـر إخـوهـا و مـصـرعه و تذكر إدمومه و  نحره تـذكـر  الـخـيـل اللي إجت غايرة و سحقت  صدره عـالـغـبـره  جـسـمـه عافته و من إجت لنه  ابقبره نـادت يـاالـرحـنه و عفناك...للطف جينه و ما  شفناك إتنادي و تنحب ...جبدي إتصوب...و إشلون أتحمل فرقاك صـرخـات مـحـمـولـه ابـحزن من قلب زينب تظهر صـاحـت يـمـن فـوق الـترب عفتك خضيب امعفر ابـمـصـرعـك عـفـتك و امزجت دمعتي و دم المنحر فـارقـتـك و نـار الـجـبـد مـثـل الـخيم تتوجر جـارت  دنـيـايـه و دنـياك...يالدهرك جار و  عاداك خـانـك  دهرك...و انت ابقبرك...و إشلون أتحمل فرقاك كـلـمـا  تـشـب  نـار الـقلب أذكر لهيب  إخيامك كـلـمـا  يـصـب  جـرح الجبد أذكر ادموع  أيتامك يـبـن أمـي جـيـت أرد أنـشـدك عن نايبات  أيامك مـنـهـو  الـحـفر بيده القبر و منهو اللي جر  إسهامك عـفـتـك  متخضب ابدماك...و من يمك يسروني  إعداك امـوذر  شـفتك...طايح عفتك ...و إشلون أتحمل  فرقاك سـهـم  الـمـثـلـث صـوبـك و إصوابه لسا  يدي و آنـه يـخـويـه امـن الـيـسر سهم الشماته ابجبدي مـسـبـيـه  رحـت او بـالظعن حادي النوايب  يحدي مـا جـان تـسـبـيـنـي الـعده لو جان والي  عندي امـوذر  جـسـمـك خليناك...خذت إعيالك و  ايتاماك فـوق  الـهـزل...صرت أتنقل...و إشلون أتحمل  فرقاك هـذا الـجـرالـي مـن الـدهـر كل ساعه أمر  ابنكبه و شـخـلـت بـقـلـبـي الـمحن دنيايه نوح و غربه عـقـب الـخـدر رحـت ابـيـسر هذا العليكم صعبه و  الـيـوم  إجـيـت ابـعـيـلتك و نار الهضم ملتهبه ابـصـوت امـصـابـك ناديناك...مظلم هالكون  ابلياك حـيـلي  اتهدم...هالكون  أظلم...و إشلون أتحمل  فرقاك يـالـطـحـت  مـدمـي  اعله الثره دلالي مثلك مدمي عـنـك  يـبـو الـيـمه رحت و الهضم يجدي  ابهضمي و الـيـوم إجـيـت الـكـربـله أجري الدمع يبن  أمي لـو بـالـجـبـل هـم الـقـلب يزول الجبل من  همي مـنـهـو  الـشـالك  و إتعناك...و بقبرك منهو  الواراك ابـدمعي  اليذرف...ظليت أهتف...و إشلون أتحمل  فرقاك