بـحـمـاك جـان الـخدر و إحجابي...وياك يا بويه يحله  إعتابي نـشـف  دمـعـتـي... و إنـظـر حالتي...يا بويه يحله  إعتابي وصـل  وادي  الـغري ضعن العقيله...تشوف الذبح إخوتها  دليله بـعـد مـا جان إبو الغيره جفيله ...صبر زينب صبر ما كو  مثيله نـظـرها شبحته الحامي دخيله ...علي اليحضر الشده تشتكي  لي رديـت يـحـديـنـي لـيـل أحـزاني...ناديت يا حيدر إتلقاني نـوخ  نـاقـتـي... و إنـظـر حـالـتي...يا بويه يحله  إعتابي عـلـي  يـا مفزع الرايد يكلفه ...أكلفك يا علي و قدري تعرفه أريـد ابـجـفـك الغذاني عطفه...يم هضم السبي اليجري تنشفه و اشـلـون الـمنامي إعيوني تغفه ...إذا نار القلب ما ترضه تطفه حـسـرات  نار و تشب إضلوعي...هيهات يطفيها سيل  إدموعي أشـرح  قـصـتـي... و إنـظـر حـالتي...يا بويه يحله إعتابي قـبـل  مـا  واحـد الطولي يشوفه...خيالي الشمس تتمنه تطوفه زمـانـي إتـقـابل وياي إبحتوفه...حرمني من حنان أمي  العطوفه و رجع إبدم إخوتي إيحد سيوفه ...قمر عمري إبظلامه أعلن خسوفه ويـاي شـد الـزمـان إحـزامه ...رجواي ما بقت غير  أحلامه كـافـل هـيـبـتـي... و إنـظـر حالتي...يا بويه يحله إعتابي و حـق عزت خليل الله و كليمه ...و محمد صاحب الهيبه  العظيمه قـبـلـي  مـا  جره لا صار ضيمه ...ليه من رجع مهر  الهضيمه و  أسمعه  يصهل إبصوت الظليمه ...من خيمه شطت أركض  الخيمه أطـفـال لاذت يـبويه إبسدي...و إعيال مرعوبه و آنه  الوحدي تـصـعـب حـيـرتـي... و إنـظر حالتي...يا بويه يحله إعتابي و سؤال اليصعب اعليك و عليه...و يجرحك أدري يا حامي  الحميه و جـاوبـنـي عليك أمي الزجيه...الكوفه اشلون أطب ليها سبيه يـبـويـه و ابـحـبـل مـجتوفه إديه...أريدك تندعي لي بالمنيه مـا  ريـد مـن بعد إخوتي عمري...شيفيد يا بويه دمعي  اليجري و آنـه إبـغـربـتـي... و إنـظـر حالتي...يا بويه يحله  إعتابي نـسـيت الخدر يا بويه و دلالي...و راسي إبجال إخوتي الجان  عالي بـس الـمـا خطر دوم إعله بالي...لبن زياد أطب و يشوف  حالي مـا  شـوف الـهضم لو عندي والي...نوحي و اللطم توه  حلالي جـرحـيـن  صوبن قلبي الدامي...و حسين راسه إبرمح  جدامي مـن  بـعـد إخـوتـي... و إنـظر حالتي...يا بويه يحله  إعتابي