مـتمحنه  إبهمي  و صحت ...صب يا دمع عيني ...مهضومه تدريني ... وين اليواسيني إلـفـقـد  النبي الهادي نحت ... و الدهر واليني ... و بلوعة اسنيني ...وين  اليواسيني مـظـلـومــه  يــا  زهـــراء  ...مـحـرومــه يــا  زهــــراء آنـه الـوديـعـه فاطمه ...حايره ومهضومه ...بالحزن مالومه ... من زغري  مظلومه أترقب  إنجوم السمه ...و ما لاحت إنجومه ...و موتي قرب يومه ... من زغري  مظلومه إبـفـقـد الـنبي متألمه ...جيه غابت إرسومه ...من عنده محرومه ... إبهضمي  يخليني مـتـحـيـره  و أدري الـدهر ... ما يرحم إبحالي ...و التفقد الغالي ... تتنطر التالي عـقـب  الـنـبي  سيد البشر ...بيتي صبح خالي ...و إهمومي تبرالي ... تتنطر  التالي مـن  هـضـم  لـوعـات القدر ...موتي تروالي ...و النايبه إقبالي ...و عالهم  تدليني أنهض  و أطيح ابلوعتي ... متحيره بأمري ...يا هضمتي و صبري ... ريته إنقضه  عمري و إمرواح آنه و دنيتي ... جمرة غضه ابصدري ...بس الدمع يجري ...ريته إنقضه عمري لـلهادي  زادت ونتي ...عقبه إنذهل فكري ...غاب و خسف بدري ...و الهم  يباريني جـور  الـدهـر بـيـه اشعمل ...مهضومه خلاني ...عالجمر مشاني ...عالمحنه  دلاني الـفـقـد  النبي  عقلي إنذهل ...و الصبر يرعاني ... و بأيده وداني ...و عالمحنه  دلاني ريـت إرتـحل بيه الأجل ...و الناعي ينعاني ...ابهضمتي و أحزاني ... و قبري  يواريني سـيل  الجفن  هل و إنسجم ...دمعاتي أجريها ...لا نشف جاريها ...و لا أقدر  أخفيها فـقد  الإبو  القلبي هضم ...روحي المحن بيها ...و كثرت مراميها ...و لا أقدر  أخفيها و بـمـهجتي يصول الألم ...و الينشد اعليها ...و هالدهر ماذيها ... و بسهامه  راميني