أضف الموضوع
الشاعر مهدي أخوان النجفي - 27/04/2011م - 12:22 ص | عدد القراء: 4889
آنـه الـعـزيـزة الـطـاهـره...يـا شـيـعـتي إبحالي إشجره
مـا نـصـف دهـري الـغـدار...و الـصـدر صـابه المسمار
يــا شــيــعــتــي إبــحــالـي إشــجــره
مـن يـا مصيبه أحجي و أهل النظر...طاهره و منهو الذي مثلي صبر
يـا شـيـعـتي إتحملت ضيم و قهر...آنه الجنت بضعته السيد البشر
أبـدي و أبـيـن حـالـتـي...و هـلـوا الـدمـع يـا شيعتي
بـالـحـالـه تـدرون إشـصـار...و الـصـدر صـابه المسمار
يــا شــيــعــتــي إبــحــالـي إشــجــره
مـن دفـعـت الباب العده المجرمه ...و من عرفوا آنه الطاهره فاطمه
إتعمدوا عالشر و حق رب السمه ...عصروني و إمن الصدر يجري الدمه
بـالـهـجـمـه صـرت ابـيا وضع...و إنكسر من عندي الضلع
و مـحـسـن وقـع ابـبـاب الـدار...و الـصدر صابه المسمار
يــا شــيــعــتــي إبــحــالـي إشــجــره
مـن إوقعت يا فضه لحقي صحت...دفعت الباب إبصدري آنه إنصبت
و بـالأثـر طـفـلي وقع و إتحيرت...جني أشوف الدنيه منها رحت
حـالـة الـبـيـهـا امـألـمـه...نـاديـت يـا حـامي الحمه
إحـضـرنـي يـا حـامـي الـجـار...و الـصدر صابه المسمار
يــا شــيــعــتــي إبــحــالـي إشــجــره
وصـيـت يـحمل نعشي عقد الوله...إبليل أظلم و متشوفه بعض المله
نـفـذ وصـيـتـي ابدمعته الهامله...ما يدري حيدر شنهو متحمله
مـا يـدري ضـلـعـي بـيـه كـسر...و إعليه يصعب هالأمر
و أيـحـز أخـاف الـكـرار...و الـصـدر صـابـه الـمسمار
يــا شــيــعــتــي إبــحــالـي إشــجــره
ودعـنـي حيدر و المدامع جرن...و إينادي رحتي من إيدي يم الحسن
يـالزهره صوبني إبمحنتي الزمن ...و إشلون أودعج و إنتي روح إببدن
قـلـبـي إنـجـرح يـا سـلـوتـي...يـا نـور بـيتي و شمعتي
و الـجـبـد يـتـلاهـب نـار...و الـصـدر صـابـه المسمار
يــا شــيــعــتــي إبــحــالـي إشــجــره
نـزلـهـا حـمـاي الـحمه باللحد...و عن الزجيه إشلون حيدر يرد
و إشـلـون بـت سـيـد البشر تنفقد...و نار المصيبه تستعر بالجبد
حـيـدر قـعـد يـم الـقـبـر...و إعـلـيـه يـصعب هالأمر
ظـل الـصـمـيـده مـحـتـار...و الـصـدر صـابه المسمار
يــا شــيــعــتــي إبــحــالـي إشــجــره
يـم الـقـبـر قـاعد علي إبمحنته ...و إعله الزجيه ظل يهل دمعته
و هـاي الـمـصـيبه ابيا وضع خلته ...سلمها طاها المصطفه إبيمنته
ودعـهـا بـدمـوع الـتـهـل...روح الـنـبـي سـيد الرسل
سـمـلـهـا بـيـد الـمـخـتـار...و الـصـدر صابه المسمار
يــا شــيــعــتــي إبــحــالـي إشــجــره |
|
