وصـيـتـي يا علي إكـتب وصـيـتي...تـنفدها إذا صارت منيتي يــبــو الــحـمـلـه إبـسـواد الـلـيـل إدفـنـونـي إجـونـي ولايـده بالباب شافوني...على الحايط يبو الحسنين عصروني إنكسر  ضلعي و صحت ياناس إرحموني...حقدهم بيّن و قاموا  يشتموني سـمـعـني من صحت حيدر سمعني...رجع ليه و على وجهي سطرني صـحـت بإسمك و أنا يمك يضربوني...يبو الحمله إبسواد الليل إدفنوني إنـكـسر ضلعي و أشوف المحسن إبعيني...بده المسمار يا حيدر  يأذيني خـذوك  إمـقـيد و ردتك تحاميني...و أحس نظراتك إتقلي  إعذريني جـنـيـنـي يـا عـلـي مـيت جنيني...ألوج و يسعر بقلبي ونيني تـظـل  حسره تظل جمره و يلوموني...يبو الحمله إبسواد الليل  إدفنوني شـفـت  زينب إجت يا يمه صيحتها...حرت أبجي المصابي لو  مصيبتها تـشـاهد  حالتي  و إتزيد ونتها...تناشدني إعله ضلعي و تجري  دمعتها يـيـمـه مـن كـسر ضلعج ييمه...و إذا زينب تون جرحي  تلجمه ألـم ضـلعي نزف دمعي عِمه إعيوني...يبو الحمله إبسواد الليل إدفنوني رغم كل الألم و المحسن و دمي...وراك أركض و أصيحن خلوا بن عمي يـحـيـدر و اليزود لوعتي و همي...إجاني إبصوته قنفد و إنت مو يمي أكـشـفـه  لـلـدعاء  راسي أكشفه ...إذا حيدر يظل صبره  يجتفه صـعب  وضعي  و إذا أدعي تعرفوني...يبو الحمله إبسواد الليل إدفنوني وصـيـتـي يـا عـلـي لمن تودعني...تحاول لا تخلي حسين  ينظرني و  لا  تـنـظـر إضلوعي من تغسلني...على مهلك إبلحدي من تنزلي إعـلـه  مـهـلـك مـن تنزلني إعله مهلك...يحيدر و اليألمني  يألمك خـلص  عمري و أنا إبصبري تخلوني...يبو الحمله إبسواد الليل  إدفنوني يـحيدر  من تعاود وحدك الداري...تجي زينب إلك تسأل عن  أخباري تـره  الـحره تحس بالآلآم مسماري...تقلك وين أمي و الدمع  جاري عـلـيَّـه مـن تـجـي تـسـأل عليه...تقله ماتت الزهره  الزجيه تـجـاوبـهـا و تصبرها و تذكروني...يبو الحمله إبسواد الليل إدفنوني يـحيدر و الحسن بأحضانك إتضمه ...حبيبي حسين أريد إبمنحره إتشمه إشـيـصبره يا علي متعود إعله أمه...عله إفراقي يحيدر مدري  شيعلمه تـسـكـتـه لـو بـجه إعليه تسكته...يحيدر تلجم إجروحي دمعته يـظـل  حزني إويه دمع إبني تبجوني...يبو الحمله إبسواد الليل  إدفنوني مـصـيـبـة فاطمه كل يوم أشاهدها...إذا كل البشر نكرت  أأكدها إشعدها  إويه الزجيه الوادم إشعدها...ما يكفي الهضمها و السطر  خدها ضـلـعـهـا إبـغـيرتي يصرخ ضلعها...دمعها ما نشف لسه  دمعها يـنـاديـنـه  يـشـيعتنه تواسوني...يبو الحمله إبسواد الليل  إدفنوني