إلـك هـاي الـوديعه المرتضه  ردها إجـتـك  و الـضلع وياها شاهدها رجـع لـك عـلي البضعه  المودعها غـيـابـك  يا  رسول الرحمه  لوعها قـضـت لـيل الغياب إبهم  مناحتها عـفـتـهـا و الخطر أصبح يهددها عـلـى مـر الصبر وصت إبن عمها عـلي  إشلون إبوجوده تشتكي  همها عـلـي إبـحبل الوصيه إنت  جتفته رقـاب  أهل السقيفه إبسيفه  يحصدها وصلهم  خبر  من وصيت حامي الجار و  مـن ضمنوا سلامة موقف  الكرار الـعـديـم إمن الحيه ما تنكسر عينه بـيـاعـة ضـمـاير دين ما  عدها دار الـبـلشرف مهبط وحي  القدره إشـلـون إيـصير نار إببابه  متوجره خـطـابات  البتول البضعه  غاضتهم عـلـي الـبلحق تنصب هو  سيدها بـاب  الـدار قـالـوا لازم  إندفعه مـا قـالـوا إشلون المصطفه إنفجعه شـيـطـان النفس آمرهم و  طاعوه تـنـاسـت  ربها و الشيطان  قائدها و الـمـوقـف الـيصعب لمن إذكره و جـف الـما رحمها إبساعة الصطره يـهون  إعله  الزجيه إشما جره  إعليها تـريـد الـمرتضه إعله الهم يساعدها يـعـيـن  الله عـلي لمن سكن  ونها و  شـافـو إولادها من إتزودوا منها جـفـنـهـا حلته و بلوعه  ضمتهم و أبـو الحمله علي إبيا حال  شاهدها نـعشها  إبليل  شاله و الدمع سجاب الوديعه  إبيا وضع رجعها داحي  الباب

حـزيـنه إبيا وضع يالمصطفه  إنشدها إجـتـك  و الـضلع وياها شاهدها إلـك  تـشرح الحاله و إنت  تسمعها و  بـيـت  أحـزانها نشف  مدامعها يـتـيـمـه و اليتيمه الدمعه  سلوتها عـفـتـهـا و الخطر أصبح يهددها و سـيـفـه و هـمته للصبر سلمها و بـعـيونه يشوف القصده  يهضمها يصفي  إويه  الأعادي إحسابه ما  عفته رقـاب  أهل السقيفه إبسيفه  يحصدها مـا تـقـبـل يـجرد للحرب  بتار هـجمه إبلايه رحمه هجموا إعله  الدار فـلا عـجـبـه إذا يتخله عن  دينه بـيـاعـة ضـمـاير دين ما  عدها سـاكـنـته  البتول الطاهره  الزهره هـذا  الأمـر يـأهل الفهم شنفسره لأنـهـا إبـحق علي الكرار  داعتهم عـلـي الـبلحق تنصب هو  سيدها خـلـف الباب جانت لايده  البضعه إذا نـكـسـر ضلعها ينكسر  ضلعه عـالـحايط  صدر طاها النبي  رضوه تـنـاسـت  ربها و الشيطان  قائدها عله  البضعه إشسده من شدة  العصره طـفـه  عين البتول و أصبحت  حمره إذا سـالـم إبـن عـمـها يرد ليها تـريـد الـمرتضه إعله الهم يساعدها بـدنـهـا غـسله و إبصبره  جفنها حـنـت فـاطمه و حيدر سمع حنها مـلايـكـة  الـسمه  إبونتها بجتهم و أبـو الحمله علي إبيا حال  شاهدها حـفر بيده قبرها و هذا أشد  مصاب و إشلون إبوجوده الضلع منها إنصاب