أضف الموضوع
الشاعر أبو علي الناصري - 25/06/2011م - 10:37 م | عدد القراء: 3123
قـلـعـه يـا آلَ محمد للصمود...موسه بن جعفر يذل صبره القيود
مـوقف أجداده يعيده...حته قيده إيقبل إيده...طيبين طاهرين طاهرين
حـسـب إيـمان الذي إبجفه القيود...فكرته و نيته و جهاده و غايته
إبـلا عـقـيـده الـذلـه عـالخايف تزود...من يجتفونه تبين ذلته
لا عـقـيده إيدافع إلها ولا عهود...و لا عزم سيف الترس جف يمنته
أكـو إجفوف إتشوفها رمز الصمود ...عد علي حامي الحميه و عترته
و الإسـود إشـمـا تـجـتـفـها إسود...عالقيود إبنبع غيرتها إتجود
شـاهد الحق و شهيده...حته قيده إيقبل إيده...طيبين طاهرين طاهرين
عـلـي مـن بـيته السقيفتهم خذوه...إمجتف إبحبل الوصيه إجفوفه
لأن يـوفـي العهد حيدر جتفوه...و ظل شمس كل عين نوره إتشوفه
الـقـيـد بـجفوف الصميده كبلوه...و لأن القيود أصبحت مجتوفه
جـتـفوا إجفوفه علي و صبره نسوه ...إنتصر صبره إبمحنته المعروفه
إبدين أبو القاسم بقه يزهي الوجود ...إبفضل حامي الجار وفاي العهود
إنـظر الشبل الصميده...حته قيده إيقبل إيده...طيبين طاهرين طاهرين
مـوسـه بن جعفر قيوده إلنا دليل...و صوت ثوره من السجون إيمثله
بـيـه نـنـظـر صورة إجتاف العليل...نشر بقيوده نهج طف كربله
صـار صـبـر النوق من صبره دخيل...و صار تالي النصر بالثوره إله
و الـدهـر و الـقـيـد يم زينب ذليل...مثلما ذلهم علي عقد الوله
أخذ منها الدروس و الماضي إستعاد...و أعلن إبقعر السجن فرض الجهاد
وفـه و إيمان و عقيده...حته قيده إيقبل إيده...طيبين طاهرين طاهرين
الكوفه مسلم شوف خلاها تموج...و خله كرسي الحكم و الحاكم ذليل
الـخـيل ظلت بالدمه الينزف تفوج ...سيف من إسيوف حماي الدخيل
عـالـقصر و إقيوده من عزمه تلوج...و شيد الروحه قصر ظنوة عقيل
مـثل كوخ الكاظم السجدت له توج...ذهب أصبح نوره للتايهه دليل
روح إسـأل شـوف بغداد إشتقول...عن بدرها اليشع بأنوار الرسول
رمـز للحق و نشيده...حته قيده إيقبل إيده...طيبين طاهرين طاهرين
ويـه بـن جـعفر ربه إسنين الصبر...و إنتصر صبره إعله ظلم إقيوده
إبـغـربـه عنده اويه السجن عِشرة عمر...أطعم إقيود الحديد إزنوده
يـا إمـام الـشـوفـته بزغت فجر...ما نضب باب الحوائج جوده
إسـمك الظل صرحه بوجوه الكفر...سجنوا و إبظلمه و غربته إشهوده
قـبـتـك يـزهي ذهبها يا شهيد...ريت كون إيشوفها اليوم الرشيد
موسه يسجد له حديده...حته قيده إيقبل إيده...طيبين طاهرين طاهرين
صـاح مـحـراب الحزن بإسمك جهاد...و إنت ساحة معركه محرابك
و صـرخ صـوت الغربه يا سيد العباد ...هلت إدموع الصبر يم بابك
قـاضـي الـحـاجات يا باب المراد...إلك مدت هالأيادي أصحابك
أعـلـن الـقـرآن بـمـصابك حداد...الكون ناح إبهالمسه لمصابك
الـلـيـله نتوجه نزورك من بعيد...الليله حسن العاقبه إبجاهك نريد
الضحه لله إبدم وريده...حته قيده إيقبل إيده...طيبين طاهرين طاهرين |
|
