أضف الموضوع
الشاعر وسام الشويلي - 14/10/2011م - 7:24 م | عدد القراء: 7618
صــعــب فــرقــاك يــعـضـيـدي...صـعـب فـرقـاك
أمـوت اويـاك لـو بـيـدي ...أمـوت اويـاك
شـقـول الـيـوم ...أنـا الـمـظـلـوم
آنـا حـسـيـن اخـوك ودم يـهل دمعي... يبو محمد الك انحب الك انعي
شـوصـف لك ياخويه حالتي و وضعي...مثل ضلع امي لجلك منحني ضلعي
تــريــد اتــروح عــن عــيــنــي... تــريــد اتـروح
اظـل مـجـروح تـدريـنـي... اظـل مـجـروح
أظــل مـهـضـوم... انـا الـمـظـلـوم
اقـول اوداعـة اعـيـونـك يبو محمد ...احس قلبي ويا جبدي ذاب وتمرد
عـلـى طـول الـدهـر بـيه الهضم يمتد ...اظل انعاك حد ما بالثره اتوسد
رفــعــت الــصــوت بــونـيـنـي... رفـعـت الـصـوت
يــاريــت الــمــوت بــونــيــنـي ...يـاريـت الـمـوت
إلـك مـالـوم... انـا الــمـظــلــوم
يـاخـويـه بـحـالـتـك قمت انظر لحالي...وأقارن بالجرالك واللي يجرالي
مـثـل جـبـدك يـخويه انقطعت امالي ...مثل جبدك تصير ابكربلا اوصالي
عــلــيــه الــحــال يــتــكـرر ...عـلـيـه الـحـال
اصــيــر اوصــال وا تــكــســر...اصــيــر اوصـال
ال_ــوض_ــع م_ـع_ـل_ـوم... ان_ـا ال_ـم_ـظ_ـل_ـوم
رحـت يـالـروحـتـك يـم فـاطمة الزهره ...عفتني النايبات ودنيتي المره
إنـكـسـر ظـهـري عليك و منهو اليجبره...كسر ثاني اليه بكربله اتنظره
فـقـد عـبـاس اتـصـور ...فــقـد عـبـاس
أبـيـن الـنـاس اتـحـيـر...ابـيـن الـنـاس
تـجـيـنـي الـقـوم ...انـا الـمـظـلـوم
اشـوف ابـجـبـدك المسموم المخذم ...صورعن كربله وهذا الطشت مرسم
رسـمـت لـي الـسهم المثلث والمسمم... يقص جبدي و يرويني بمسيل الدم
ســهــم عــطــشـان يـرمـيـنـي... سـهـم عـطـشـان
عــلــى الــتــربــان يــرديــنـي...عـلـى الـتـربـان
بـعـد مــا قــوم ...انــا الـمـظـلـوم
بـمصابك يالحسن عندي اتضح كل شي... عرفت اليا رزيه إبجذمي راح أمشي
شلت نعشك على عيني وعلى رمشي ...قلت منهو اليشيل ابكربله نعشـــي
ثــلــثــتــيــام عــالــغــبــره ...ثــلـثـتـيـام
عــلــيــه اســهــام مـنـتـشـره ...عـلـيـه اسـهـام
الــصــدر مـهـشـوم ...انــا الـمـظـلـوم
دفـنـتـك يـالحسن في داخل احساسي... عدد حسراتي مثل اعداد انفاسي
اقـلـك مـن اودعـك يـا اعـز نـاسي ...باجر يندفن جسمي بلا راسي
يـروح الـراس وي زيـنـب ...يـروح الـراس
عــقــب عــبــاس تــتــســلـب ...عـقـب عـبـاس
دمـعـهـا دمــوم ...انـا الـمـظـلـوم |
|
