أضف الموضوع
الشاعر السيد سعد الذبحاوي - 21/11/2011م - 6:25 ص | عدد القراء: 13825
أنـا الـسـجـاد أشـرح قـصـة أحـزاني ...دهري بكربله وليه تولاني
رحـت للكوفة والشام ..رحت للكوفة والشام...يبويه ولوني ..يبويه ولوني
شـفـت ﭼم فـاجـعـة يـا نـاس بـعيوني ..ايد بأيد ويا عمتي جتفوني
وأسـيـاط االـشـمر تلعب على متوني ..الموت الموت سوط أعداي راوني
اش لـعـبت بيا الأيام ..اش لعبت بيا الأيام ...يا بويه ولوني ..يا بويه ولوني
لـوعـدهـم رحـم شـرحـمـوا بحالي ..شنزعوا حديد وكسروا أغلالي
بـس رأسـك يـبـويـه يـحـرس أعيالي ..ولا واحد يبويه اليوم يرعاني
حذت بضعوني ظلام ..حذت بضعوني ظلام ...يا بويه ولوني ..يا بويه ولوني
رأسـك على الرمح طول الدرب مرفوع ..وأطفالك يبويه من تشوفه تلوع
أصـدن لـيـك وأعتب من قلب مفجوع ..ريت الموت عقبك بويه وافاني
حـرم ويـاي وأيـتام ..حرم وياي وأيتام ...يا بويه ولوني ..يا بويه ولوني
شـفـت أبـشـع صـور يابويه بالكوفة ..وبعينك أظن ذاك السبي تشوفه
ﭼم طـفـل ألـسقط ياحسين من خوفه .. وتتشمت غدت يا وسفه عدواني
أشد كل هاي السهام ..أشد كل هاي السهام ...يا بويه ولوني ..يا بويه ولوني
مـشـيـت دروب أبـداً مـا مـشاها احد ..واجماله عليل النوب ومقيد
طـريـق الـشـام والكوفة علي يشهد .. وارد ردود أواري أجساد ولياني
حرام الـﭼفن لو نام .. حرام الـﭼفن لو نام...يابويه ولوني .. يابويه ولوني |
|
