مــا عــنــدي غــيــرك..... بــعــد يــا صــاحــب الــرايـة ســلــمــلــي  جــودك .....شــلــك بــالــعـلگمـي  ومـايـه لـتـشمت  الناس دخيلك ارحم بحالي....ارحم يعباس غربتي وغربة إعيالي....ما عندي  غيرك لـجـلال الله أشـكـي و لـلـنـبـي جـدي ..... عـلى اللي كاتبتني وخانت بعهدي أنـه الـمـظـلـوم أنـه وفـت الـقـهر جبدي ..... أشوف الناس كلهه اتجندت ضدي راحـت  كـل رجـالـي وكـل أهـل ودي ..... بـس انـتـه يـبو فاضل بعد عندي لـمـن أشـوفـك أشـوف الـدنـيـه بعيونك ..... من تمشي عني أحس بغربة من دونك بس انته ظليت كضت كل صفوة رجالي....ارحم يعباس غربتي وغربة إعيالي....ما عندي غيرك يـا سـيـفـي وسـنـانـي ونـبـلتي وسهمي ..... ويا درعي اليصد عني سهم خصمي قـمـر وبـشـوفـتـك يـنـزال كـل هـمـي ..... أحس بوحشتي لو رحت من يمي شـكـولـن  لـو  أشـوفـك عـالـنـهر مرمي ..... بعد بيمن أشد يا به الفضل  عزمي مـا  تـرضـه  عـيني يا يخويه موسد اتشوفك ..... عالشاطي مرمي صريع مكطعه  جفوفك مـا  ريدك تروح وأشوفك طايح كبالي....ارحم يعباس غربتي وغربة إعيالي....ما عندي  غيرك اذا عـذرك تـقـول اعـيـالـي عـطـشـانـه ..... ضـمـاير مسعرة وقلوب  لهفانه الـعـذر مـرفـوض يـخـويـة واخـوك آنـه ..... اعصر جبدي واروي قلوب  ذبلانه أسـد  انـتـه الأسـد مـيـعـوف خـلانـه ..... ولا يـتـرك عـرينة وباب  صيوانه عـبـاس أريـدك تـخـلـي عـيـنـك ابـعيني ..... وتشوف بيها جمر حركة صواويني مـا ريـدك تـموت أريدك للحرم والي....ارحم يعباس غربتي وغربة إعيالي....ما عندي غيرك تـروح بـهـذا جـودك نـاوي ويـن تـروح..... رواحـك هذا تهضم بالخيم جم  روح كـفـايـة الأكـبـر كـبالي ووكع مذبوح ..... اشتريد اتضيف فوك جروج قلبي  جروح كـفـايـة اتـحـنـة جـاسم بالدم المسفوح ..... اشتريد أهلك وأموت من القهر والنوح بـس انـتـه عـنـدي وعـلـيـه يصعب مصابك ..... لو فارگتني أموت بحسرة  غيابك مـن عـندي شتريد تريد تقرب آجالي....ارحم يعباس غربتي وغربة إعيالي....ما عندي  غيرك الـجـبـل مـن هـمـي يـا عـبـاس يـتـصدع ..... حرت والحيرة حيرة بيا أمر ينفع أكـلـك  روح  اخـاف تـروح مـا تـرجـع ..... أگلـك ظـل أشوف أطفال تتلوع خـلـيـهـه  عـلـى الله ولـلـنـهـر اطـلـع ..... لعلك تروي هالأطفال  والرضع خـوفـي بـرواحـك تـروح ومـا تـرد لـينه ..... واتذكرعضيدك حزين مشوبح بعينه ظـل  فكري  عليك يخويه وينشغل بالي....ارحم يعباس غربتي وغربة إعيالي....ما عندي  غيرك هـذا  اول وداع اتـوادع آنـه ويـاك ..... بـعـد عـنـدي وداع اعـله النهر  ألكاك تـدري  شـراح أشـوف اعـلـه الـشـريعة اهناك ..... أشوف النهر يمه يسيل نهر  دماك أشـوف  الـسـهـم  صـوب عـيـنك وارداك ..... ويم جسمك أشوف يسارك  ويمناك لـو  شـفـت  جـسمك أموت بحزني ويقهري ..... وهناك أصيحن يعباس اكسرت  ظهري شـصـبـر  الروح اذا فقدتك يالغالي.....ارحم يعباس غربتي وغربة إعيالي....ما عندي غيرك صـريـع اعـلـه الـنـهـر لـو شـافـتـك عيني ..... اذا حال الأجل ما بينك  وبيني ارد  بـيـا خـبـر خـويـة لـصـواويـنـي ..... وشجاوب زينب اختك من  تلاگيني اذا تـنـاشـدنـي وتـحـاجـيـنـي ..... شـجـاوبـهـه يـريـت الـبـين يطويني وجـهـك رسـمـلـي مـصـابي وحركة اخيامي ..... وخيول امية تغير وتسحك أيتامي يـا  صاحب الجود شبح موتك تراوالي.....ارحم يعباس غربتي وغربة إعيالي....ما عندي غيرك