يـجـاري الـماي تاذيني... يجاري الماي سـهم  بحشاي  موجاتك... سهم بحشاي يـطـول الـنـوح ...عـلـه  المذبوح عـلـيـل  حـسـين آنه ومن  يواسيني يـجـاري الـمـاي مـوجـاتك تأذيني دمـع  سـكـنه  يظل جمره إبوسط عيني طـفـل عـطـشـان موجاتك  تراويني يـصـيـح  امـن  العطش وين  اليرويني عـسـن  يـم الـنـهر مقطوعه  جفيني عـله  العطشان حسراتي... عله  العطشان دمع و أحزان كل عمري... دمع و  أحزان أظـل مـجـروح...عـلـه الـمـذبوح أشـوفـك يـا نـهر و أتعجب إبصمتك أشـوفـن والـدي عـطشان لو  شفتك لـون  تـسـوه  العتب بدموعي  عاتبتك تـجـي لـخـيـام أبو السجاد حسبتك جـرح  وسـط الـقلب يالماي  عاشرتك عـسـن  مايك نشف يالروحي  كارهتك كـلامي إوياك ما يخلص... كلامي  إوياك طـفـل  نـاداك  بدموعه ...طفل  ناداك تـون الـروح...عـلـه الـمـذبـوح يـجـاري الماي أصد و بوضعك  أتعجب تـروي  إخـيول أميه و سكنه ما  تشرب وصـل عـمها إلك و إنت الجنت  مطلب تـرس جـوده و دليله امن العطش  يلهب لـون تـسـوه العتب من جفه ما  تندب و إذا آنـي أريـدك مـا إلـك مـهرب تـروي الـخـيل يا ظالم... تروي  الخيل يـصـيـح الويل عبدالله... يصيح  الويل دمـع  مـسـفـوح...عـلـه  المذبوح كـلامـك يـا نـهـر و أتعجب بأمرك أبـد لا تـعـتـذر مـا يـنقبل  عذرك شـفـت  طـفله  تلوج ووقفت  إتنظرك لـمـن مـاتت عطش و إدموعها  إتخبرك لـونـك يـا نـهـر تـرويها  شيضرك إذا  قـلـبـك صـخـر وناتها  إتفسرك أبـوها  حسين ظل ضامي... أبوها حسين يـديـر الـعـين لجروفك... يدير  العين نـظـر  مـشـبـوح...عـله  المذبوح قـضـوا كـلـهم عطش أهلي  أعاينهم و  أشـوفـك يـا نـهر ترفض  أغسلهم بـلا تـغـسـيـل يـم الـماي أدفنهم أنـا إبـدمـع الـمصايب غسلت  دمهم حـرت  بـقـبـورهـم  إشلون  أنزلهم يـجـاري حـايـر خـايـف ألـجمهم دفـنـته  إشلون عبدالله... دفنته  إشلون أظـل مـحـزون بـفراقه... أظل محزون بـقـه مـطـروح...عـلـه الـمذبوح أشـوفـك  يـا نـهـر و أتذكر آلامي أبـو  الـيـمه إعله جرفك ينذبح  ضامي عـلـي  الأكبر  أشوفه إعله الترب  دامي إخـويـه  إحزام  ظهري و كعبة  أحلامي أشـاهـد جـم يـتـيم اليبجي  قدامي عـلـى إفـراش الـمرض و النار بخيامي أضيح  إدخيل  عد حيدر... أصيح  إدخيل دموعي إتسيل وي زينب... دموعي إتسيل يـا روحـي إتـروح...عـلـه  المذبوح