دارك تـحـيـي الـخـطـار...قبرك ملاذ الزوار كـرم عـنـدك...مـثل جدك...قبرك ملاذ الزوار واجـب عـلـيـنـه إزيارتك يا من ضريحك  جنه شـيـعـتـك إحـنه و عالعهد كل عام إلك  نتعنه الـفـجـرت  قـبـرك تـعتقد منك قطعنه  الظنه غـلـطـانـه ما تدري إشكثر موت إبشرف  نتمنه لـمـن لـفـتـنـه الأخبار...للوسف هلت أنظار الـدمـع يـشـهد...يبو محمد...قبرك ملاذ  الزوار عـنـدك كـرامـات و حكم يصعب علينه إنعدها ابـحـضـرتـك كل يوم اليمر يا سيدي إنشاهدها إنـت الـطـبـيب الشيعتك إتشافي الجروح  العدها مـعـروف فـضـل إزيـارتك و للمنبعد  تقصدها إزيـارتـك يـبـن الـمختار...بيها النجاة من النار الـعرف  قدرك...و  قصد قبرك...قبرك ملاذ  الزوار الـمـا عـدهـا إيـمان و صبر دوم إبضعف محتاره مـن  صـاحـت إشلون الرضه سفكوا دمه  زواره لـو  عـنـده شـاره إبها الوكت لازم يبين  الشاره و  شارتك وضحت كالشمس و إنت بن حامي جاره الـبـاعت  الدين إبدينار...إنفضحت إبذلها و  بالعار الـبـخـت  ذلها...و  ثبت إلها...قبرك ملاذ  الزوار مـنـكـم تـعـلمنه الصبر من ضيم العليكم جره مـن كـسـر ضلع الطاهره و جتفوا جدك  حيدره و  مـن صـوبوا جبد الحسن و حسين حزوا  منحره و  إبخيلهم صدره إنهشم و مسلوب جسمه اعله  الثره و بالسبي راحت أطهار...و بالشام أظن تدري إشصار الـصـبر حكمه...و ثبت رحمه ...قبرك ملاذ  الزوار مـن بـنـي الـعباس إشكثر واجهت مولاي إهموم عـن وطـن جـدك غـربتك شاهد تظل يا مظلوم يـبـن  الـزجـيـه إبيا ذنب جبدك تقطع مسموم و  شـيـعـتك هالليله إبحزن يم قبرك إبلوعه  إتحوم إبـعـلمك هديت الأفكار...غدرتك وسفه  الأشرار و  شـهد علمك...على حلمك...قبرك ملاذ  الزوار يـا  بـاب حـاجـات الـذي قبرك تجي  إبحاجتها يـالـرضـه و حـاجة شيعتك بلجت تفك  غربتها حـنـت  الـقـبـر المرتضه و تشجي إلك  لوعتها يـا  يـوم  تـرجـع لـلوطن تقصد علي  إبدمعتها