لـفـيت  امن اليسر بالدمع و  الحسره مـثل  طير القطه اعله النهر قلبي  ايحوم صحت إنفض إترابك يا بو الغيره و قوم دقـوم و شوف إختك ردت إبيا  حال و إخـدودي حـفـرها دمعي  الهمال و  خـلـف  جم سهم بالقلب  نشيانه و  إعـلـيـه يـخويه إتطاول  إلسانه قـلـب  إختك يخوها تنزف  إجروحه راسـك عـالـرمح و إعيوني  إتشوفه و  راس حـسين إخويه إيزيد من  شافه و الـعـلـه دقـلـي إشلون  تتشافه بـوجـودك  جـنت  يالوالي  مستوره و  الـدار  الـزهـيـه القبل  معموره

أنـاشـد عـن يـمين القمر و اليسره أريد أشكي جفيلي إشكثر شفت  إهموم كـسـر قـلـبي يخويه قلت شيجبره مـا بـيـن الـحرم ممتحنه و الأطفال و أيـام الـسـبـي بـأحوالي  شمأثره و لـبـن إزيـاد مـجتوفه أطب ديوانه مـتـشـمـت  يخويه  و آنه  متيسره و مـا يـقطع ونينه و حسرته و  نوحه و  إنـت الـحال زينب إختك  إتنظره و لـن بيده العصه و يلعب عله  إشفافه و إبـصـدري يـخويه إمكسره العبره و الـرايـه إعـله راسي قبل  منشوره أرد  لـيـها و مصابي إشلون لو ذكره