يـا  كـربـله ليش ضيفج إيسلبونه...و اليطلب الماي ضامي  يذبحونه مـن يـجـري سـيل الدمه ...تبجي له أرض و سمه...يا كربله  ليش يـا  كـربـله عندي خبر من حيدره...هذا الإسم ما ينسه و  أتذكره آدم بـجـه و بـهـالأرض دمه جره...و آنه الذي جده يقبّل  منحره مـن  تـسـأل الناس ما يملك إعيونه...يا نحر الحسين بالطف  يقطعونه لـمـن يـمـسـه الـضـمه...تبجي له أرض و سمه...يا كربله ليش أنـظـر مـحـمد عالمهر يا كربله ...يجري الدمه من هامته و أقصد له بـعـدك  عله  الدنيه العفه صوتي عله ...و أتمدد إوياه و أصد  عالعايله جـسـم  الـنبي إهنا تتوزع اوصاله...و اتصبر إشلون من أنظر  الحاله و الـجـثـه مـتـخـذمه ...تبجي له أرض و سمه...يا كربله  ليش أنـظـر أبو الحمله علي يم النهر...لا يمنه لا يسره و سهم صاب  النظر و  آنـه أجـي للمشرعه محني الظهر...حاولت أحمله للخيم بس  إعتذر عالمشرعه إيطيح حيدر علي إنشوفه ...لا رايه لا جود و إمقطعه إجفوفه فـقـدك يـبـو الـمـوزمه...تبجي له أرض و سمه...يا كربله ليش يـتـراوالـي  بـضعة محمد تنولي...تتسلب و فوق الهزل تندب  علي ويـن  الـذي بـيـده يعدل محملي...خل يقعد و بيده يرجعني  الهلي و  الحرقوا الباب خيمتها حرقوها...و الكسروا إضلوع رجعوا  يسلبوها كـسـرة قـلـب فـاطمه ...تبجي له أرض و سمه...يا كربله  ليش هـذا الـحسن يشعل شمع من فرحته ...ليلة فرح عنده و اشاهد دمعته حـلـم  الـولد يحضر ابوه إبزفته...لاجن شفت دم إختلط وي  حنته سـبـعـين  ألف  ليش حضروا يزفونه ...بحوافر الخيل تتغمض  إعيونه فـدوه الأبـوه قـدمـه...تـبـجي له أرض و سمه...يا كربله  ليش شفت العجب يا كربله و ما ينحمل...محسن إخويه ابهالأرض هم  ينجتل أنظر سهم من حرمله و منحر طفل...و آنه أرد بيه و الدمع من دم  يهل مـا  يـشـرب الـماي إبيا ذنب قولي...يا كربله آه يالجرحج  إبطولي صـاب  الـسـهـم من رمه...تبجي له أرض و سمه...يا كربله  ليش هـذا الـذي يـحصل إلي يا تربتي...مصرع إبن و أنظر مصارع إخوتي زيـنـب سـبيه إبلا حمه يا حسرتي...فوق الرمح راسي و أهلن  دمعتي يـالـقـاصـد  إعـلـيج آنه و اهل بيتي...أتمنه ملقاج و إنتي  تمنيتي نـار  الـعـطـش مـضرمه...تبجي له أرض و سمه...يا كربله  ليش