أضف الموضوع
الشاعر السيد عبدالخالق المحنّه - 13/03/2012م - 11:25 م | عدد القراء: 9494
مـهـلا يـحـادي الـضعن خلهم يودعوني
راحـت رقـيـه اشـعـجب و آنه يخلوني
نار نار ...غربتي...نار نار دمعتي...و آنه يخلوني
أودعــهــم وداع ابــلايـه رجـعـه
تـعـال إسـمـع عـتـب دمعه إعله دمعه
أنـا إبـعـيـنـي تـره ضـاقـت الوسعه
شـقـول و صـوت أبـويـه مـا أسـمعه
مـره أعـتـب إعله الزمن مره أعتب إعليهم
كـون إبـسـلامـه هلي يا روحي عذريهم
نـار نار علتي...نار نار دمعتي...و آنه يخلوني
رقـيـه إتـروح لـيـش و أبـقـه آنـي
و أصـيـحـن يـا هـلـي بـتـكم تراني
تـعـالـوا إشـقـد صـحـت محد إجاني
بــعـد شـكـثـر يـراوانـي زمـانـي
أدري إذا سـافـروا مـحـد يـدق بـابـي
و الـلـي تـركـنـي و مشه يتحمل إعتابي
نار نار وحشتي...نار نار دمعتي...و آنه يخلوني
جـنـت مـحـسـوده وي أهـل الـحميه
ابـويـه ابـكـل وكـت يـسـأل عـليه
عـلـي الأكـبـر يـجـي و بـيده هديه
و انـا و عـمـي الـقـمـر نـقعد سويه
يـومـيـه عـمـي الـقـمر لازم يجي يمي
يـالـحـادي و إبـشـوفـته ما أشعر إبهمي
نار نار حسرتي...نار نار دمعتي...و آنه يخلوني
يـحـادي و هـاك إخـذ هـاي الـوصيه
سـكـيـنـه و خـل تـنـفـذهـا إليه
تـمـد إفـراش ابـويـه إبـكـل مـسيه
و تـبـوس إبـمـنـحـره بـالـغـاضريه
وصـيـهـا مـن يـبـتسم عبدالله تذكرني
أشـعـر بـعـد مـا يـجـي وين اليصبرني
نـار نار حيرتي...نار نار دمعتي...و آنه يخلوني
يـحـادي لـو شـفـت تـلـتـم العيله
تـروح الـقـمـر هـاشـم تـشـتكي له
تـقـلـه شـو نـسـيـتـوا هـالـعليله
تـظـل تـتـأمـلـك لـيـلـه إعله ليله
بـلـكـت يـرد لـي القمر من يسمع إعتابي
عـمـي حـنـيـن و أبـد ما يرضه بغيابي
نـار نار قصتي...نار نار دمعتي...و آنه يخلوني
إذا نـامـوا تـنـادي يـالـتـنـامـون
عـلـيـلـتـكـم تـغمض إعيونها إشلون
تـنـادي يـا هـلـي يـمـتـه تـرجعون
إذا مـا شـوفـهـم مـا ريـد الـعـيون
عـطـشـانـه مـا أرتـوي من يوم فرقاهم
مـا أظـن يـمـسـهم ضمه و عباس وياهم
نـار نار لهفتي...نار نار دمعتي...و آنه يخلوني
عـفـت لـحـظات عيني و شفت الأهوال
أشـاهـد روس فـوق إرمـاح تـنـشال
شـفـت جـود و عـلـم و إيمين و إشمال
طـشـت شـبـكـت رقـيه و لمت أطفال
راس إبـطـشـت شـافـته نامت فرد نومه
مـظـلـومـه آنـي و رقـيـه مـظلومه
نار نار صيحتي...نار نار دمعتي...و آنه يخلوني |
|
