دمـعة وصوت وجبد حسينك... مابين يسارك ويمينك
سـيف وغاية... جود وراية... ما بين يسارك ويمينك
اسـمـع بـالـخـيـم صوتين من نفس الجروح اسمع
صـوت يـرد قـطـرة مـاي ذاب بـدمعة اليرضع
وصـوت يـصـيـح ويه حسين عوف الماي لا تطلع
يـبـو الـغـيـرة الـعـوض بالله اذا جفين تتكطع
سـيـفـك مـوتي ويخطف بيها... يقلب اولها بتاليها
خـل تتذكر ... صولة حيدر ... مابين يسارك ويمينك
يـعـبـاس الـعـطـاشى تصيح خويه وتنظر لجودك
وزيـنـب مـن تـشوف حسين وحده تعاين زنودك
ومـحـروس الـنـهـر بـالاف لكن توصل بزودك
عـاود لـلـخـيـم بـالـماي طبعك توفي بوعودك
مـن طـبع الكافل يحميها ... واطفال العطشت يرويها
يـابـو الغيرة ... صرنا بحيرة ... مابين يسارك ويمينك
راح عـلـى الـنـهـر غاضب يحدي وهاج نوماسه
وفـاه ومـرجـلـة وغـيـرة كلهن صاحن براسه
زعـل ويـن الـفـرات يـروح كص ركاب حراسه
وابـو الاكـبـر وقـف فرحان يشوف افعال عباسه
ويـن الـمـذخور لهالساعه... يالمن حيدر كل اطباعه
يحكم سيفك ... وانت بكيفك ... مابين يسارك ويمينك
قـسـم لـو لا الـغـدر ما جان يوصل سيفهم يمك
رغـم قـطـع الـجفوف السيف هيبة وثابت بصمك
اسـأل مـن اجـاك حـسـيـن وين بيا جرح شمك
مـن دم هـامـتـك يـاحيف سال بكل كتر دمك
لاحـيـلـة الظلت بمصابك... شيصبر زينب بغيابك
حزني ونوحي... ونار جروحي ... مابين يسارك ويمينك |
