جيتَك  دَمعي  جاري ...عَذّبني  إنتِظاري رَدّيـتْ الأَمـآنَـة ...و إقبَل  إعتِذاري يَـبـو الـقاسِم إِجيتْ وناري  مِتوَجرَه ضـيـف الـيـوم عِندَك بِنتَك الزّهرَه إذا  تِـنـظـر وَجـها تِشاهِد  السّطرَه وأنـآ الـمِـثـلـي يَـطه يِنقِبل عُذرَه تِشرح لك وَضِعها ...منْ كِسروا  ضِلعها خَـل  نِنصُب عَزانَه .. و إقبَل  إعتِذاري مِـشـيـتْ  بِـلـيـل يا طه أغسِلها وإِجـى يَـمـهـا حَبيبَك دَمعتَه  يِهلها يَـأُم حـسـيـن آنَـه ابـنِچ يِقل إِلها تِـصـعـب فَـرقِـتچ ما أَقدَر  أحمِلها مـنْ فِتحتْ جِفنها ... منْ شِبگت  ابنها هـذا آخَـر لِـقانَه .. واقبَل  اعتِذآري وأَخـبـرك  يَـالـنّـبي  بِاللّيل دَفنتها وَ حـقّگ مـآ ِتـموت إِبعيني صورَتها فَـقـاري بـيـن إيدَيّه وتِجري دَمعتها شـلـون  اصـبُـر يَطه وهاي  حالَتها تِحچي  لك خبَرها ... يا چف  السِطرها وانـهِـضمتْ سَمانه .. واقبَل اعتِذاري إذا جـآر الـزّمـن چنـتْ اعتِني  ليها تِـروح هـمـوم قَـلـبي منْ أَحاجيها تِـوآسـيني  إبـْ مُصابَك وآنَه  أَواسيها بَـعـدها  الدّآر وَحشَه و ما أَطُب  ليها والـْوَدّع حَـيـآتَـه ...يِترك  ذِكرَيآتَه نِـتـذكـر  مَكآنَه .. واقبَل  اعتِذآري أَجـي لِـحـسين اشوفَه يِصآرِع  إِبهمّه مُـصـيـبَـه واليَتيم يِقول بَس  چلمه مـا  يِـذكـر حَچي بَـس يُمّه يا  يُمّه يِـصـيـح وزيـنَـب الحُرّه تِجي يَمّه أَصـعب  ما نِظرتَه ...دَمعه ودَمعة  اختَه خَـل  يِـفرح زِمآنَه .. واقبَل اعتِذآري إذا حَـنّ الـقـلُـب مـا تِنفع الدّمعَه وأنَـه  إِشـتِنفَع حَيآتي وراحتْ  البَضعه مـنْ  يـوم الـمِـشتْ عنّي بِلا رَجعه تَـرى انـطُـبقتٍ عليّ السّبعَة والسّبعه عملات الدّهرَ هاي ... يِعلِن حَربَه ويّاي بِـسـهـامَه  رِمانَه .. واقبَل  اعتِذآري