سـلـم إعـلـه الغالي ...سلم إعله  الغالي يـالـلي  تروح الكربله ...سلم إعله  الغالي دمـعـة الـملهوف جمره و شوفتك  تطفيها أنـثـر  إجـروحي  قصايد و الزمن  يرويها كـلـمـه من أحجيها يمك ما بعد  أحجيها مـا  تـسع  عشقين روحي عشقك  إيكفيها يـا عـشـق يـحـلالي... يا عشق يحلالي جـفـك  يطيب خاطري... يا عشق  يحلالي مـن  يـعـتني  الشوق يمك أسرع  بخطواتي و  أزرع  إبـدربـك خواطر و المطر  دمعاتي أوصـل إبـكـلمة أحبك أنسه كل  كلماتي و  أقـعـد  بـبابك يتيم و تنعرض  حاجاتي إنـت إنـت الـوالـي...إنـت إنت الوالي حـاشاك  تكسر  خاطري...إنت إنت  الوالي ونـت الـمـجـروح شـكو الله يعلم بيها نـظـرت  الـعشطان  دمعه و النهر ناسيها مـن  تـموت أحلامي سكته و الجرح يجيها مـن  تـصـير الدنيه شامت يا عتب  ياذيها خـايـف  مـن إخيالي...خايف من  إخيالي مرعوب يم بابك صحت ...خايف من إخيالي آنـه  شـفت الدنيه كلها أصغر من  إبهامك و  آنـه شفت الناس تنصه و ترتفع  خدامك و أدري حـاجـات الخلايق تنعرض  قدامك حـاجـتـي  عندك يتيمه و قبلت  أقدامك و الـحـزن يـبـرالـي ...و الحزن يبرالي أعـثـر  و أصـد الحضرتك و الحزن  يبرالي الـيـريـد الـدنـيه خله ياخذ اللي يريده و الـيـريـد حسين يصبر عالظلم و إعبيده خـل يـخـلي الجمره بيده لا يذبها من إيده و  الـيـطـول  عمره بالذل العمر  شيفيده مـا يـدرو بـبـالـي...مـا يـدور ببالي آنـه  عـدا  موت الشرف ...ما يدور ببالي آنـه  حـبيتك  لأني ما شفت لك من  بديل و الـخـسـر حبك نقله لا يدور لك بديل آنه ممكن أنسه روحي و أنسه إسمك  مستحيل لـو يـمـيـل الكون بيه أبقه ثابت ما أميل مـا  سـكـن دلالـي...مـا سكن دلالي و  الله غـيـر أهل العبه ... ما سكن  دلالي