أضف الموضوع
الشاعر السيد عبدالخالق المحنّه - 14/06/2012م - 11:00 م | عدد القراء: 4241
مـن أرض الـغـريـيـن... بـمـصاب الجواديين... يا بوحسين
نـشـكـي لـك وضـعنه ... نهدي لك دمعنه ... يا بو حسين
أمـة غـدر... يـا علي... ما ظل صبر... يا علي... يا بو حسين
يـا علي صارت محبتكم عجيبه ... و اليحبكم لازم إيعيش المصيبه
إحـنـه عـلمنه اليحب يوفي الحبيبه ... هالمحبه إتبين الطاهر حليبه
مـن كـثـر الـمـواجـع... مـا تكفي المدامع... يا بو حسين
مـن هـاي الـمـصـايـب ... يـا حيدر نعاتب... يا بو حسين
إلـمـن نـفـر... يا علي... ما ظل صبر ... يا علي... يا بوحسين
يـا علي ثوب الحزن لايق علينه... إنت تدري يا علي جم طعنه بينه
لو بعض مرات نسكت مو بيدينه ... و إحنه سكتتنه مثل هيبة حجينه
يـعـرفـنـه الـمـخـالـف... عشاق المواقف... يا بو حسين
لـو نـسّـم هـوانـه... تـتـكـلـم دمـانه ... يا بو حسين
فـدوه الـعمر ... يا علي... ما ظل صبر ... ياعلي... يا بو حسين
يـا عـلي رفعت شعار الجعفريه ... لو نعيش أحرار لو نرضه المنيه
عـالـجسر عدهم وعد أهل الحميه ... راحت إتشيع إمام الرافضيه
مـا نـعـرف تـراجـع ... نـتـحـده و نبايع... يا بو حسين
جـثـمـانـه نـشـيـعـه ... عـالهامه نرفعه... يا بو حسين
أصـعب كسر... يا علي... ما ظل صبر ... ياعلي... يا بو حسين
يـا عـلي و هذا جرحنه الما تشافه ... أربع إحماميل جابوه يا وسافه
ذبـحوا الدين الأجل كرسي الخلافه... و الهواشم وينهم أهل الكلافه
هـالـجـثـه الأسـيـره... مـا إلـهـا عشيره... يا بو حسين
نـاديـنـه الـهـواشـم... مـا بـانـت علايم... يا بو حسين
تـدري الـعذر... يا علي... ما ظل صبر ... ياعلي... يا بو حسين
و الله يا حيدر خلص بالهم عمرنه ... إحنه نشكي لك بعد قلة صبرنه
عدنه غايب لو يجي يجبر كسرنه ... هو يدري إعله الجمر إحنه إنتظرنه
لـو طـال إنـتـظـاره ... تـنـتـظره الغياره... يا بو حسين
مـن يـسـمـع بـجـيـنـه ... غـايبنه يجينه ... يا بو حسين
راعـي الأمـر... يا علي... ما ظل صبر ... ياعلي... يا بو حسين
يـا إلـهـي برحمتك سالم تعوده... لو رجع ترجع كرامتنه بوجوده
و الله كل إحنه إذا يرجع جنوده... ما يهمنه إبليس خل تكثر حشوده
لـو يـصـدر قـراره... يـنـطـيـنه الإشاره... يا بو حسين
عـشـاق الـتـحـدي ... و إسـيوفك يمهدي... يا بو حسين
هـم نـنتظر ... يا علي... ما ظل صبر ... ياعلي... يا بو حسين
يـا عـلي ظالم خصمنه ابلايه رحمه... و اليواليكم صبح مهدور دمه
إحـنه كلمتنه شرف و إنطينه كلمه... شاهد إعلينه يظل جسر الأيمه
مـا غـيـرك نـوالـي... عـاهـدنـه يـغـالي... يا بو حسين
يـا أول قـيـاده ... يـا ثـالـث شـهـاده... يـا بو حسين
إنـت الـدخر... يا علي... ما ظل صبر ... ياعلي... يا بو حسين |
|
