أضف الموضوع
الشاعر الأديب الحاج جابر الكاظمي - 13/09/2012م - 11:29 م | عدد القراء: 5383
هـاليوم أعلن...آنا المؤمن ...و بدرب الأطهار إمشيت
عـهـدي إتوثق...ما يتوفق ...كلمن حارب أهل البيت
أهـل الـبـيـت الـحـبل الممتد بين الخالق و الإنسان
حـبـهـم مـفـروض من الباري دونك آيات القرآن
هـالـك بـالـدنـيه الحاربهم و إبيوم المحشر خسران
دونـك إبـن إزيـاد و تـابع شوف الحجاج و مروان
هـاي الـزمـره...صارت عبره...و آنا بهالمبدأ ناديت
مـا ريـد أطعن...الله يلعن ...كلمن حارب اهل البيت
شـوف الـناس العافوا حيدر زمره و مجموعة أشخاص
غـايـتـهـم تضليل الأمه كلها إختلطت عام و خاص
بـاطـنـهـم أحـقاد و ذله ظاهرهم طيب و إخلاص
لـلإسـلام أعـظم ما قدموا كشفت سوءة إبن العاص
آنـا الساعي...فكري الواعي...نظره إعله التاريخ إلقيت
شفت الحاصل...يخسر فاشل...كلمن حارب اهل البيت
شـوف الناس الدفعوا جعده إبسم غدرت شبل الضرغام
مـن عـقب السم نعشه إتشجر ضربوا عالجثمان إسهام
ويـن الـنـاس الـضـربـوا نعشه بجهنم مثوه الظلام
هـالـمـسـمـوم إتـقـدس إسمه و إتخلد طول الأيام
أشعر بالسم...قلبي إتألم ...شلت إيدي و بالدمعه إدعيت
يا رب عاقب...يا رب حارب...كلمن حارب اهل البيت
أحـجي الحق ما خايف منك و اليحجي الحق ليش إيخاف
هـذا الـطـف و إبعينك عاين خيل و أرماح و أسياف
ويـن حـسـيـن و قـلة قومه ووين الجيش البلآلاف
حـسـين إسمه ابعرش الله إتسجل و بجهنم ذيج الأجلاف
وذروا جـسمه...هدروا دمه...دم نحري إتفايض يا ريت
سـفاك الدم ...إبنار إجهنم...كلمن حارب اهل البيت
عـقـب حـسين إعياله إتيسرت للكوفه إبجور و أحقاد
و إنـشـوف الـسجاد إمكّبل يرسف بأغلال و أصفاد
شـوف الـحـكـمـه الـربـانيه خلّد تاريخ السجاد
و حـتـه الـقـاع النمشي إعليها ظلت تلعن إبن إزياد
هـذا الآثـم...مـجـرم ظـالم...و إنشلت إيده إتمنيت
لـتـظن يفلح...لازم نفضح...كلمن حارب اهل البيت
عـتـرة هـاديـنـه العادوهم فشلوا ردوا عالأعقاب
أخـزاهـم ربـك بـالماضي حاضرهم موت و إرهاب
زمـره و بـإسـم الدين إتسلب تذبح تسفك دم إرقاب
يـا رب إلـعـن كـلـمن فجّر و هدم مرقد للأطياب
أهـل الـعـصمه...كنز الحكمه...دعوتهم بالدم لبيت
و الدم سجّل...لا شك يفشل...كلمن حارب اهل البيت |
|
