أضف الموضوع
الشاعر أبو أيمن الإحسائي - 15/09/2012م - 1:13 م | عدد القراء: 4467
 ملا باسم الكربلائي
لـعـد قـبـرك قـصدنه ...يعزنه و يا سندنه
يــمــن فــقــدك ضــهــدنـه
صـوت الـنوايب و المحن نادينه و المدمع سال
فـقـدك يبو محمد صعب لو بالصخر جان إنزال
شـيعتك إحنه و منقطع من عدنه هرش الدلال
يـالـوالـي مـن يوم إنمرد جبدك إبسم الجتال
وجـودك مـن فـقـدنه...المرد جبدك مردنه
يــمــن فــقــدك ضــهــدنـه
يـمـك يسبط المصطفه إفرشنه القلب هذا اليوم
جـيـنـه إبـمـآسينه نون راح الإمام المسموم
راح الـلي مصدر للكرم جان و سند للمحروم
و كل المساكين أصبحت تبجي و مدامعها إدموم
تـنـادي يـا عـمـدنه...إسبب ما تبقه عدنه
يــمــن فــقــدك ضــهــدنـه
أيـتـامـه من بعده أصبحت تهمل دمه عيناها
مـذهـولـه من عظم الجره و متكدره ابدنياها
مـتـلـوعـه و متدوهنه بس فارقت رجواها
ظـلـت حـزينه و حايره تنحب على مولاها
مـصـاب الـهـدها هدنه...الألم فطّر جبدنه
يــمــن فــقــدك ضــهــدنـه
و حـسـيـن باللوعه هتف خانت إويايه الأيام
يـا خـويـه عقبك و الدهر تدري رماني بسهام
عـمـرك قضه إبسم الغدر من هالأعادي ما دام
و إجـروح قـلبي إبفرقتك هيهات أبد ما تلتام
مـنـو بـعـدك ضمدنه...يخويه الدهر ضدنه
يــمــن فــقــدك ضــهــدنـه
أم الـمـصـايـب تـنتحب ابهالفاجعه مهمومه
حـين اللي شافت بالطشت جبدك تسيل إدمومه
مـصـيوبه مهجتها و تظل من شوفتك محرومه
مـن شـاهدت غدر الحقد سلّط عليك إسمومه
تـصـيـحـن و حق جدنه...لتتركنه الوحدنه
يــمــن فــقــدك ضــهــدنـه
فـارقت روحك و إنختم عمرك وسف بالأتراح
و حـسين صوب المصطفه إبنعشك يمولانه راح
لاجن العدوان إرفضت هاللي إتبعت حكم أشباح
بـسـهام سبعين النعش صابوه و زادوا الجراح
إعتده القوم إعله حدنه ...و صفت كثره شددنه
يــمــن فــقــدك ضــهــدنـه
نـنـشـد بـالالام و محن و الدمع منه إتجاره
عـن قـبـر أمـك فاطمه و عن قبرك و آثاره
مـوجـود لـو قـوم العده شنت عليه الغاره
نـنـشـد إبـلوعات و ألم عن محسن و أخباره
الـعـدو رايـد يـصدنه...و سلب منه مجدنه
يــمــن فــقــدك ضــهــدنـه |
|
