يـا  أمـل كـل الحياره...خادمك رهن الإشاره جـيتك  و دمعي إيتجاره ...واجب إعليه  الزياره مـوعـد إمـصـابك دعاني ما قلت ما بيه  جيه جـيـت الـمـديون إجيتك أرد أوفي إشما عليه مـنـك إشـلون إعتذاري و الوفه عندي  سجيه و آنـا أتـأمـل شـفـاعة أمك الزهره  الزجيه خـادمـك  آنـه التعرفه...ما بده إبيوم إعتذاره أمـي  نـذرتـنـي الخدمتك سيدي من  الولاده قـلـبـي الـبحبك تربه ما ضعف يوم  إعتقاده مـرقـدك  لـمن أطوفه من ضمن فرض العباده و إنـت مـعـروف إبعطاءك تنطي للزاير  مراده و  آنـا أريد إمرادي منك...بالقلوب آخذ بشاره مـن شـفـت هيبة مقامك طولي يم بابك  حنيته أدري يـمـك عـالي قدري و الكرم عندك لقيته و إسـمـك الـيحمل صفاتك من بعد لمن قريته جـيـت  أقـدم لك عزائي يجرح الدمع  البجيته و من دنيت أشتم ضريحك...نزلت إدموعي بغزاره من  عشت لوعت مصابك خاطري و قلبي جرحته مـا جـزه إثلاثينه عمرك و بشراب السم  ختمته قمت  أحس دمعي اليجاوب كل سؤال اللي سإلته هّـون  إمـصابك عليه إمصاب الحسين  الذكرته و  إذكرت قصة رضيعه...و عيلته الراحت  يساره آنـا  مـا ريـدن أقارن لو مصاب الطف أذكره أدري  كـل  عين إعله جدك للحزن تاخذها عبره و إبـقلب كل شيعي تسعر للحشر موجوده  جمره و يـا ذبيح إبلحده قبله وسدوا طفله إعله  صدره و  يـنتظر  مهدي العداله...ياخذ من أعداءه  ثاره يـا  أهـل  بيت المصايب أنسه و أذكر يا مصيبه يـا دوه الـمـمـكـن ينفعه جرح اليهله طبيبه جـم نـجـيب إنحز وريده و ثقله تلطم جم نجيبه و الـمـصـيبه التدمي قلبي زينب الظلت  غريبه و  عـالـنهر  كافل ضعنها...لا يمينه و لا يساره يـا إمـامـي و لـسه زينب عد بني أميه  أسيره عـاودوا  نـفـس  الـسبوها إلمن الناظر تديره ويـن الـيقول آنه شيعي ما أخاف و عندي  غيره عـن قـبـر زينب يحامي من حقد جيش الجزيره زيـنـب  إبـولية  نواصب...تنتظر زود  الغياره