زيــنــب إتـحـشـم ولـيـهـا يـالـتـحـامـي الـثـايـه هــذا سـيـفـك ...هـذا رمـحـك ...و إنـت راعـي الـرايـه راعـي  الـحـمـيـه... عـبـاس***بـالـغـاضـريـه...  عـباس يـالـلـي  بالشده  عرفتك...بالحرب ساعة وقفتك ...شيل سيفك يا شهم و  إنـت درع الهيبه درعك ...يا كفيلي و هذا طبعك ...خويه منك و  النعم هـذا وصـفـك زين أعرفك ...من تحفك ما تخوفك ...عفيه يا موت  الزلم لـيـث الـحـريـبـه... عـبـاس ***كـبـش الـكـتيبه ...عباس و بــيــك يــا عــبــاس ظـنـت لـلـخـدر حـمـايـه هــذا  ســيــفــك  هـذا درعـك و إنـت راعـي الـرايـه أدري  يـوم  الـكون عيدك ...لن مسار الحومه بيدك ...فرحتك يوم النزال إتـحـوس  الجناح إبقلبها ...اشما عله اليمنه تدبها ...تدب يمنه إعله الشمال و إنت ريس حين تعبس...خصمك إيحس...بيك يدرس... درس بفنون القتال ابـسـاعـة  نـزولـه...  عـبـاس***درس الـبـطـولـه  ...عباس و  إنــت تــربــايــة عــلـي و نـعـم  هـالـتـربـايـه هــذا  ســيــفــك  هـذا درعـك و إنـت راعـي الـرايـه بـيـك  أشـوفن عودي حيدر...من نبع عزمه التفجر...يا شبل ذاك الأسد هـذا  سـيـفـك  نـفس سيفه ...يقره بالآيه الشريفه ...قل هو الله  أحد و  حـيـن  يلمع هالمشعشع...قوم تخضع...وين تطلع ...كلمن إبخوفه شرد عــالــقـوم نـازل... عـبـاس***مـثـل  الـزلازل...عـبـاس و صـارت إلـيـوث الـوغـه ابـحـلـق الـحـريـم إحـجـايـه هــذا  ســيــفــك  هـذا درعـك و إنـت راعـي الـرايـه و أرد أذكـرك يـبـو فـاضل...يوم شديت المحامل ...و إجت نوبة  محملي مـا  إنـت قـلـت لي يالوديعه ...ياللي تردينه أطيعه ...يختي قومي  إتدللي و  قلت  لي يختي...عله بختي...و إنتي صرتي...عله ذمتي...و بيج وصاني  علي و  بـعـهـدي اوفـي... عـبـاس***الـقـطـعـت جفوفي... عباس تــدريــن يــخــتـي بـالـهـواشـم لـلـعـهـد وفـايـه هــذا  ســيــفــك  هـذا درعـك و إنـت راعـي الـرايـه و بـعـد مـا حـاجه أحشم ...و إنت أم لبنين أم ...و ادري من أم  البنين مـن  قـبـل يـوم الولاده ...يبو فاضل للشهاده...دخرتك لأجل الحسين و بـنـذرهـا قـوم سرها ...يا ذخرها و يا فخرها...يا إخو حسين  الأمين بـالـطـف تـريـدك... عـبـاس***تـنـصـر عـضيدك...  عباس يـعـنـي لـحـسـيـن و لـخـيـتـه جـابـتـك و الـغـايـه هــذا  ســيــفــك  هـذا درعـك و إنـت راعـي الـرايـه