أضف الموضوع
الشاعر ياسين حردان الساعدي - 17/11/2012م - 2:21 ص | عدد القراء: 1800
هـذا الـحـنـيـن ...فـاطمه يا فاطمه
لـبـنـج حـسـين ...فاطمه يا فاطمه
فاطمه يا حجة الله اعله البشر و اعله الحجج
فـاطـمـه أم أبـيها و إنت للشده فرج
سـر عظيم و شرف سامي لو بذلنا لج مهج
الروح ترخص لجل حبج حبج إبدمنه إندمج
هـذا الـحـنـيـن ...فـاطمه يا فاطمه
لـبـنـج حـسـين ...فاطمه يا فاطمه
فـاطـمه إسم الجلاله إتجسد إبيوم الطفوف
إبـصوت هادر أبو اليمه صاح قدام الإلوف
إيصيح من دمي إشربي لو عطشتي يا سيوف
إبـدمـي إتبدين جدي ما أهابج يا صفوف
ريـتـج تـجـيـن ...فـاطمه يا فاطمه
لـبـنـج حـسـين ...فاطمه يا فاطمه
من دماء الطف أخذنه إدروس و أنباء الأمم
مـا نـعوفج صرنه شعلة نور مزروعه إبقمم
إبـوجه كل اللي يضدكم إنثور بركان و حمم
و الـيـضدكم ما نريده دوله باعوها الذمم
رغـم الأنـيـن ...فـاطـمـه يا فاطمه
لـبـنـج حـسـين ...فاطمه يا فاطمه
فاطمه يا نور يسطع عالبشر و إعله الوجود
يـا قـبس نور الله حبكم بيه ناموس الخلود
إنتي سر إسم الله الأعظم سر محبتج بالصمود
نبقه نصمد نبقه نبجي نبقه ننحب نبقه نزحف
نبقه نطبر نبقه نلطم عالصدر و إعله الخدود
طـول الـسـنـيـن ...فاطمه يا فاطمه
لـبـنـج حـسـين ...فاطمه يا فاطمه |
|
