أضف الموضوع
الشاعر السيد سعد الذبحاوي - 21/12/2012م - 3:05 ص | عدد القراء: 3256
غـدرونـي يـا بـو الـيـمـه...سـمـوني يا بو اليمه
غــدرونــي...ســمــونــي...ظـلـمـونـي
يـبـو الـيمه أخبرك بالجرالي ...و أسولف محنتي و همي
إنـظـر يـا عـضيدي الهذا حالي...مسموم آنه يبن أمي
قـربت ساعتي و قربت آجالي...رقد حيلي و نحل جسمي
هـالـظـالـم جـار إبـظـلمه...عالوادم جار إبظلمه
غــدرونــي...ســمــونــي...ظـلـمـونـي
يبو اليمه إنقطع جبدي إبغدرهم...و بالسم هالصبح مطعون
بـاجـر شـنـهو يم ربهم عذرهم...و للزهره إشيقولون
إشـيـقـولـون الـنبيهم لو سإلهم...إبيا عذر يتعذرون
بـالـمـحـشـر شـنهو إتقدمه...و الحيدر شنهو إتقدمه
غــدرونــي...ســمــونــي...ظـلـمـونـي
يـبو اليمه القلب جانونه يسعر...و سرت نار الألم بحشاي
بأثر سم العده ذاب و تفطر...و نفذ خويه إبجميع إعضاي
شـاهـد حـالـي يـبن أمي تغير...لله وجهت شكواي
مـن سـمـوا جـبـد العصمه...ما رحموا جبد العصمه
غــدرونــي...ســمــونــي...ظـلـمـونـي
يـبـو الـيـمـه أوصيك إبوصيه ...هاي العايله بحماك
ابـعـهـدك تـبقه هاي الفاطميه...مثلما والدي وصاك
بـعـد سـاعـه و تفارقنه المنيه ...ما أحمل هضم فرقاك
دلالـي إيـعـيـش إبـهـمـه...يـا حالي إيعيش إبهمه
غــدرونــي...ســمــونــي...ظـلـمـونـي
صـبـرك عـالـمحن يحسين صبرك...يخويه و محنتك أكبر
يـخـويـه إبكربله إيقطعون نحرك...و يغسلك دمه المنحر
و بالخيل العده إيسحقون صدرك...و صدرك خويه يتكسر
و إتـغـدرك هـاي الأمـه...إتـقص نحرك هاي الأمه
غــدرونــي...ســمــونــي...ظـلـمـونـي |
|
