انـــا العقــيــلــه
انا العقيله يمه ..انا العقيله
دمعي اسيله يمه ..دمعي اسيله
انتي وصيتيني ويعيني الوصيه ..يمه بعدچ ما دريتي شصار بيه
...
يا يمه اتصوريني اليله بخيامي .. اودع اخوتي واشچي بجفن دامي
دليلي شلون يقدر يحمل الآمي .. وباچر تنذبح اخواني جدامي
دم تهمل العين يمه ..دم تهمل العين
راح افقد حسين يمه ..راح افقد حسين
دهري من هاليله خلاني سبيه .. يمه بعدچ ما دريتي شصار بيه
...
توَصيني ابوس حسين من نحرة .. أنفذ هل وصيه الليله يالزهرة
وباچر هل النحر ينقطع عالقبرة .. وشاهد راس اخوي اموسد بكترة
هم شفتي بالناس يمه .. هم شفتي بالناس
جثه بلا راس يمه .. جثه بلا راس
انا بعيوني اشاهد هل الرزيه ... يمه بعدچ مادريتي شصار بيه
...
يا يمه القوم خَلوچ بألف لوعة .. ومن كسر الضلع لليوم مفجوعة
ياريت اتشاهدين الخيل مجموعة .. وتهجم عالذبيح وتكسر اضلوعة
من تهجم الخيل يمه .. من تهجم الخيل
بيه شيظل حيل يمه .. بيه شيظل حيل
يا قلب يحمل حوافر آل اميه ..يمه بعدچ ما دريتي شصار بيه
...
يا يمه والدي من طاح بالكوفه .. ما قدّرت اعيوني مصوب اتشوفه
باچر هامة العباس مَخسوفه .. اشاهدها واشاهد قطعت اچفوفه
والسهم بالعين يمه .. والسهم بالعين
انطي الوجه وين يمه .. انطي الوجه وين
لا كفيل ولا حمه بالغاضريه ..يمه بعدچ ما دريتي شصار بيه
...
يا يمه باچر اعليه صعب وصفه .. زماني يذبح اهلي وبيه يتشفه
وعلى تل النوايب اوقف بلهفه .. واصيح بصوت عفتوني الف وسفه
من انحب بصوت يمه.. من انحب بصوت
يرجع صدى الموت يمه.. يرجع صدى الموت
يالعقيله راحو اخوانچ ضحيه ..يمه بعدچ ما دريتي شصار بيه
...
