مـن كـثـر مـا هـضـمـونـي...مـا ظـل دمـع  بـعـيوني هـذا إعـتـاب زيـنـب ويه كافلها...تقله إختك يالبجالك  إمدللها مـدامـعـهـا التجاوب لون تسألها...يعباس الإخت غير الإخو  شلها زيـنـب يـا خـوهـا إبـحـيـره...ويـنـك يـراعـي  الغيره عــقــب الـخـدر يـا عـبـاس ...فـوق الـهزل ودونـي قـلـبك  ينجرح  لو أشتكي همي...و أبدي من مصيبة ذبحت إبن  أمي و من هجمت الخيل ووصلت إخيمي...هذيج الساعه يا ريتك جنت يمي يـا  بـا الـفـضـل لـو تـدري...جـم طـفـل لاذ  إبـكتري بـيـن الـعـده و بـيـن الـنـار...يـهـل الـرحـم عـفتوني يـالكلك  إمروه و العتب ياذيك...آنه إختك و إجيتك أرد ألوذن  بيك إقـعـد  يـالتخاف الناس من طاريك...يا عباس زينب وينك  إتناديك خـويـه إنـت الـمـعـاهـدنـي...لـرض الـمـديـنـه إتردني يـصـعـب  عـلـيـه يـا عـبـاس ...لـو عـنـك  إينشدوني يـخـويـه إوياك جيت و جنت تبرالي...و بطول الدرب تتفقد أحوالي و  مـا  ترضه الهوه لو مر عله إخيالي...محشومه إبوجودك و الخدر  عالي يــا ريـتـك إتـصـد لـيـه...لـمـن رحـت مـسـبـيـه و الأشـد و أصـعـب مـن هـاي... شـامـت اليحدي  إضعوني آنـه  الـبـلـخدر  و الستر معروفه...تمنيت العمه و الصار ما  شوفه عـلـه  الناقه الهزيله إدخلت للكوفه...و تصد ليه الشماته إبحبل مجتوفه و أدخــل لــبـن مـرجـانـه...و أوقـف وسـط ديـوانـه بـنـت الـوصـي حـامـي الـجـار ...و إتـجـاسروا شتموني يـعـباس  الشهم يا طيب المرضع...بعد غير الدمع ما عندي من  مفزع لا عـيـن الـتـنام و لا قلب يهجع...أخافن تعثر النوق و طفل يوقع درب الـيـسـر عـذبـنـي...و صـبـر الـهـضـم شـيـبني يـا  ريـتـك إتـشـوف الـسـوط... تـارك أثـر بـمـتـوني عـفـاني إشلون قلبي ما نفذ صبره...سبيه و خاطري المكسور شيجبره يـا  جـرح الـيـطـيـب و يا ألم يبره...إسمك من يمر تخنقني  العبره كـل  وكـت  عـايـش بـيـه...مـثـل الـنـفـس و  الـريه يـا خـويـه إشـلـون أنـسـاك... يـا الـبـإسـمك  إيسموني